استاناداعى ماكسيم گوركيي اتىنداعى اكادەميالىق ورىس دراما تەاترىندا قازاقستاندىقتار مەملەكەت قايراتكەرى سەرگەي دياچەنكومەن قوشتاستى دەپ حابارلايدى «قامشى» پورتالى.
سەرگەي الەكساندروۆيچتى اقتىق ساپارعا شىعارىپ سالۋعا پارلامەنت دەپۋتاتتارى، مەملەكەت جانە قوعام قايراتكەرلەرى، ەلوردا جۇرتشىلىعى كەلدi. سونىمەن قاتار قوشتاسۋ راسىمىنە پارلامەنت ءماجىلىسىنىڭ ءتوراعاسى نۇرلان نىعماتۋلين، پرەزيدەنت اكىمشىلىگىنىڭ باسشىسى ادىلبەك جاقسىبەكوۆ، ىشكى ىستەر ءمينيسترى قالمۇحانبەت قاسىموۆ، استانا اكىمى اسەت يسەكەشيەۆ، پرەمەر-مينيستردىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ جانە باسقالارى قاتىسقان.
ءماجىلىس ءتوراعاسى نۇرلان نىعماتۋلين مەملەكەت قايراتكەرى سەرگەي دياچەنكونىڭ سۇيەگى ۇلتتىق پانتەون اۋماعىندا قويىلاتىنىن حابارلادى. ايتا كەتەر بولساق، اقمولانىڭ ەكس-اكىمى سەرگەي دياچەنكو 26 قازاندا ومىردەن وزعان ەدى.
ەسكە سالا كەتەر بولساق، ۇلتتىق پانتەونعا ورال مۇحامەدجانوۆ، ءابىش كەكىلباي ۇلى، ماقسۇت نارىكبايەۆ، فاريزا وڭعارسىنوۆالار جەرلەنگەن بولاتىن.
