ءپا جەتەكشىسى جاقسىبەكوۆ كەيبىر مينيسترلىكتىڭ شتاتىن قىسقارتۋ تۋرالى ايتتى دەپ حابارلايدى «قامشى» پورتالى قازاقپاراتقا سىلتەمە جاساپ. بۇل تۋرالى جاقسىبەكوۆ ق ر مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگىنىڭ بۇگىنگى كەڭەيتىلگەن ماجىلىسىنە قاتىسقاندا ايتقان.  پرەزيدەنت اكىمشىلىگىنىڭ باسشىسى ادىلبەك جاقسىبەكوۆ ۇزاق ۋاقىت بويى بوس ورىنداردى ۇستاپ، جۇمىسقا ادام الماي جاتقان مينيسترلىكتەردى سىنعا الدى. ونىڭ ويىنشا، اتالعان مەملەكەتتىك ورگاندار رەزەرۆتە بار ادامداردى قىزمەتكە قويۋعا اسىقپاسا، ونداي ۆەدومستۆونىڭ شتاتىن قىسقارتۋعا ابدەن بولادى.

"ماعان تۇسكەن اقپاراتقا سايكەس، "ا" كورپۋسىنداعى ۆاكانتتىق قىزمەتتەرگە (باسشىلىق - اۆت.) ادام تاعايىنداۋ جۇمىسى دۇرىس جۇرگىزىلمەيدى. قازىرگى كەزدە رەزەرۆتىڭ بارىنا قاراماستان، 16 لاۋازىم ءالى دە بوس تۇر. ءتورت اي بويى التى بىردەي مينيسترلىكتە 8 كوميتەتتىڭ ءتوراعاسى ءالى تاعايىندالماي وتىر. ال وسى قىزمەتكە ۇمىتكەرلەردىڭ رەزەرۆى 39 ادامدى قۇراپ وتىر"، - دەدى ءا.جاقسىبەكوۆ.

ونىڭ ايتۋىنشا، مەملەكەتتىك قىزمەت سالاسىندا مامانداردىڭ ءجيى اۋىسۋى باستى پروبلەمالاردىڭ ءبىرى. سوعان قاراماستان، قارجى مينيسترلىگىندە 970 قىزمەت ورنى بوس تۇرسا، ۇلتتىق ەكونوميكا مينيسترلىگىندە - 900-دەن استام، ال اۋىل شارۋاشىلىعى مينيسترلىگىندە 280 قىزمەتكە ءالى ادام الا قويماعان. وبلىستىق جانە اۋداندىق اكىمدىكتەردە دە سولاي.

"نەگىزى، بوس تۇرعان جۇمىس ورىندارىنىڭ كوپتىگى، باسشىلاردىڭ ءجيى اۋىسۋى مەملەكەتتىك قىزمەت اپپاراتىنىڭ جۇمىسىنا كەرى اسەرىن تيگىزىپ وتىر. بىزگە وسىنى جان-جاقتى زەردەلەپ شىعۋ قاجەت. قازىرگى جاعدايعا نە سەبەپ بولدى؟ نەگە ول ورىندار بوس تۇر؟ بالكىم، سول مينيسترلىكتەردىڭ شتاتىن قىسقارتامىز. سونىڭ ارقاسىندا ءبىراز اقشانى ۇنەمدەۋگە بولادى"، - دەپ اتاپ كورسەتتى پرەزيدەنت اكىمشىلىگىنىڭ باسشىسى.

ەستەرىڭىزگە سالا كەتەتىن بولساق، ەلباسى 2013 جىلى 23 ماۋسىمدى مەملەكەتتىك قىزمەتكەرلەر كۇنى ەتىپ جاريالادى.

ادىلبەكوۆ سوزىندە، مەملەكەتتىك قىزمەتكەرلەردىڭ ەتيكاسى تۋرالى دا ايتتى. «مەملكەتتىك قىزمەتكەر ەتيكاسىنا قاتاڭ نازار ءبولۋ كەرەك. مەملەكەت باسشىسىنىڭ جارلىعىمەن مەملەكەتتىك قىزمەتكەردىڭ ادەپ كودەكسى بەكىتىلدى، مەمقىزمەتكەرلەردىڭ ادەبىن باقىلايتىن ارنايى قىزمەتتەر ەنگىزىلدى، ورتالىق جانە جەرگىلىكتى ءوزىن-وزى باسقارۋ ورگاندارىندا ادەپ جونىندەگى كەڭەستەر قۇرىلدى. ءقازىر مەملەكەتتىك قىزمەتكەرلەر حالىقتىڭ قاتاڭ باقىلاۋىندا جۇمىس ىستەپ جاتىر. ءبارى سول ساتتە عالامتور نەمەسە الەۋمەتتىك جەلىگە ءتۇسىپ كەتەدى»، - دەدى ءا.جاقسىبەكوۆ.

2016 جىلدىڭ 1 قاڭتارىنا سايكەس، ەلىمىزدە مەملەكەتتىك قىزمەتكەرلەردىڭ جالپى سانى 98 886 ادامدى قۇراعان.

سونداي-اق، قازاقستاندا سوڭعى ايلاردا بىرنەشە مينيسترلىك قايتا قۇرىلدى جانە جاڭا مينيسترلىكتەر قۇرىلعان بولاتىن.