رەسەيدىڭ لدپر پارتياسى ءتوراعاسى، سايقىمازاق ساياساتكەر جيرينوۆسكيي ەرودعاندى «ءوز ادامىمىز، ونى توڭكەرىپ تاستاۋعا ەشكىمنىڭ دە باتىلى جەتپەيدى» دەپ مالىمدەگەن. بۇل تۋرالى «قامشى» پورتالى تۇرىكتىڭ ميلليەت گازەتىنە سىلتەمە جاساپ حابارلايدى.

گازەتتىڭ جازۋىنشا، رەسەيدىڭ مەملەكەتتىك تەلەارناسى «روسسيا 1» ارناسىندا تاراتىلاتىن «ۆوسكرەسنىي ۆەچەر» حابارىنا قاتىسقان جيرينوۆسكيي، «ءبىز تۇركيامەن قاتىستى حالىقارالىق ساياساتقا ارالاسۋىمىز كەرەك. ەردوعانعا كومەك بەرۋگە ءتيىسپىز. ەردوعان ءبىزدىڭ ادامىمىز، ونى توڭكەرۋگە ەشكىمنىڭ دە باتىلى جەتپەيدى» دەگەن.

ول ءوز سوزىندە، «وڭتۇستىك شەكارانى(تۇركيانىڭ شيەلەنىستى ايماعى وڭتۇستىك-شىعىس شەكاراسى) ەردوعانعا امانات ەتەيىك. تۇركيا سيريا مەن يراككا قالاۋىنشا ساياسات جۇرگىزسىن. سودان سوڭ يران دا بىزدىكى بولادى» دەگەن.

ەسكە سالا كەتەتىن بولساق، شىلدە ايىندا تۇركيادا بولعان توڭكەرىس ارەكەتى كەزىندە جيرينوۆسكيي "ەردوعاندى اتىپ تاستاعاندا عوي" دەپ مالىمدەگەن ەدى.