اتىراۋدا پسيحيكالىق اۋرۋعا شالدىققان تۇرعىن دۇكەنشىنى بالتالاپ تاستادى دەگەن كۇدىككە ءىلىندى، - دەپ حابارلايدى Tengrinews.kz. 

ءىس ماتەريالدارىنا قاراعاندا، بيىل 26 قازانىندا اتىراۋ قالاسىنىڭ №2 سوتىنىڭ تەرگەۋ سۋدياسى 1971 جىلى تۋعان ازاماتقا قاتىستى كۇزەتپەن ۇستاۋ تۇرىندەگى بۇلتارپاۋ شاراسىنا سانكسيا بەرگەن. ول اتىراۋ قالاسىنىڭ م.وتەمىس ۇلى كوشەسى بويىنداعى "امانجان" دۇكەنىنىڭ دۇكەنشىسى، وزبەكستان رەسپۋبليكاسىنىڭ ازاماتشاسىن دۇكەن ىشىندە بالتا مەن پىشاق قولدانۋ ارقىلى ءولتىردى دەگەن كۇدىككە ىلىنگەن.  

كۇدىكتى 2-توپ مۇگەدەگى ەكەنى انىقتالعان، سونداي-اق تەرگەۋشىنىڭ ايتۋىنشا، كۇدىكتى پسيحيكالىق اۋرۋعا شالدىققان، مۇنى انىقتاۋ ءۇشىن پسيحو-نيەۆرولوگيا ورتالىعىنا مالىمەت سۇراتۋ حاتى دا جولدانعان.

سوت پسيحيكالىق دەرتكە شالدىققان ازاماتتارعا بۇلتارپاۋ شاراسى قولدانىلمايتىنىن ەسكەرە وتىرىپ، ونىڭ اۋرۋى جونىندە ناقتى مالىمەت بەلگى بولعانعا دەيىن كۇزەتپەن ۇستاۋ تۇرىندەگى بۇلتارپاۋ شاراسىن قىسقا مەرزىمگە بەلگىلەدى.
.