2016 جىلدىڭ 1 قاراشاسىنان باستاپ «قازاقستان» رترك» اق ماڭعىستاۋ وبلىستىق فيليالىنىڭ ديرەكتورى جاناحمەت جانىبەك ۇلى اعىبايەۆ «قازاقستان» ۇتا ديرەكتورى قىزمەتىنە تاعايىندالدى، - دەپ جازادى kaztrk.kz.

جاناحمەت اعىبايەۆ 1974 جىلى 2 قاراشادا قىزىلوردا وبلىسىندا دۇنيەگە كەلگەن. ەڭبەك جولىن 1998 جىلى قىزىلوردا قالالىق «اقمەشىت اقشامى» گازەتىندە ءتىلشى بولىپ باستاعان. كەيىن 1998-2000 جىلدارى اتالعان گازەتتە جاۋاپتى حاتشى، باس رەداكتوردىڭ ورىنباسارى قىزمەتتەرىن اتقاردى.

ال 2000-2002 جىلدار ارالىعىندا «قازاقستان» ۇتا-دا ءتىلشى، رەداكتور، 2002-2006 جىلدارى «حابار» اگەنتتىگىندە ءتىلشى، 2006-2007 جىلدارى «جايىق پرەسس» ج ش س باس ديرەكتورىنىڭ ورىنباسارى، «ورال ءوڭىرى» گازەتىنىڭ باس رەداكتورى بولدى.

سونىمەن قاتار، 2007-2008 جىلدارى «قازاگرو» حولدينگى، «اگرارلىق نەسيە كورپوراسياسى» اق باسپا ءسوز حاتشىسى، 2008-2009 جىلدارى الماتى قالالىق «وڭتۇستىك استانا» تەلەارناسىنىڭ باس ديرەكتورى، 2010 جىلى الماتى وبلىستىق «جەتىسۋ» تەلەارناسىنىڭ باس پروديۋسەرى بولىپ قىزمەت ەتتى.

2010-2012 جىلدارى «الماتى» الەۋمەتتىك-كاسىپكەرلىك كورپوراسياسى ۇلتتىق كومپانياسى» اكسيونەرلىك قوعامى باسقارما ءتوراعاسىنىڭ كەڭەسشىسى قىزمەتىن اتقاردى.

2012 جىلدىڭ قاڭتار ايىنان بەرى «قازاقستان» رترك» اق ماڭعىستاۋ وبلىستىق فيليالىنىڭ ديرەكتورى بولدى.