قازاقستان رەسپۋبليكاسى ۇكىمەتىنىڭ 2016 جىلعى 2 قاراشاداعى قاۋلىسىمەن نۇكەنوۆ ابزال نۇكەن ۇلى ءدىن ىستەرى جانە ازاماتتىق قوعام جونىندەگى ۆيسە-مينيستر بولىپ تاعايىندالدى، - دەپ حابارلايدى Qamshy.kz مينيسترلىكتىڭ باسپا ءسوز قىزمەتىنە سىلتەمە جاساپ.

ابزال نۇكەنوۆ 1978 جىلى 21 شىلدەدە الماتى وبلىسىندا دۇنيەگە كەلگەن. 2000 جىلى ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان. ساياسي عىلىمدار كانديداتى (2004 جىل).

2000-2005 جىلدارى «وتان» پارتياسى ورتالىق اپپاراتى يدەولوگيالىق بولىمىندە سەكتور مەڭگەرۋشىسى، 2005-2006 جىلدارى الماتى قالاسى ىشكى ساياسات دەپارتامەنتىنىڭ ۇكىمەتتىك ەمەس ۇيىمدارمەن جانە ءدىني بىرلەستىكتەرمەن جۇمىس جونىندەگى ءبولىم باستىعى لاۋازىمدارىن اتقارعان.

2006 جىلدىڭ قىركۇيەگىندە الماتى قالاسى اۋەزوۆ اۋدانى اكىمىنىڭ ورىنباسارى بولىپ تاعايىندالعان.

2009-2011 جىلدارى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى قازىرگى زامانعى زەرتتەۋلەر ينستيتۋتىن باسقارعان.

2011-2016 جىلدار ارالىعىندا ق ر قاۋىپسىزدىك كەڭەسىندە سەكتور مەڭگەرۋشىسى، سيتۋاسيالىق ورتالىق جەتەكشىسىنىڭ ورىنباسارى، ورتالىق جەتەكشىسى لاۋازىمدارىن اتقارعان.