"كومسومولسكايا پراۆدا" باسىلىمىنىڭ شولۋشىسى ەۆگەنيي چەرنىح ترامپ نەمەسە كلينتوننىڭ جەڭگەنىنە بايلانىسسىز اقش-قا ءقاۋىپ تونەدى دەگەن پىكىردە. ول بۇل پىكىرىن ەۋروپالىق باسىلىم بەتتەرىندە جاريالانعان تۇجىرىمدارمەن بەكىتەدى.

ازاماتتىق سوعىسقا اينالىپ كەتپەسە بولدى...

گەرمانيالىق «Tagesspiegel» باسىلىمى "اقش-تا ازاماتتىق سوعىس ءجۇرىپ جاتىر" دەگەن تاقىرىپپەن ماقالا جاريالاپتى. "رەسپۋبليكالىق پارتيا وكىلى جەڭىلسە، جەمقورلىق جۇيەگە دەگەن اسكەري قارسىلىق ۋاقىتى تۋادى" دەيدى ماقالا اۆتورى.

امەريكا تۇرعىندارىنىڭ اراسىندا بۇل سايلاۋدان كەيىن "قىرعي قاباق سوعىس" زورلىق-زومبىلىققا اۋىسۋى مۇمكىن دەپ قاۋىپتەنەتىندەرى كوپ. بۇل ءقازىر كورىنبەگەنمەن، بولاشاقتا جۇزەگە اسۋى ابدەن مۇمكىن ەكەن.

ال نەمىستىڭ "Focus"  باسىلىمى "سايلاۋ الدى كامپانيا ازاماتتىق سوعىسقا اينالىپ كەتتى، امەريكالىقتار جاۋلاسقان ەكى لاگەرگە ءبولىندى" دەپ جازعان.

شۆەيسارسكايا "Neue Zuercher Zeitung" باسىلىمى دا امەريكان قوعامىن ازاماتتىق سوعىسقا ءتان كوڭىل-كۇي بيلەپ تۇرعانى تۋرالى جازىپتى.

امەريكانىڭ پسيحولوگيالىق اسسوسياسيانىڭ زەرتتەۋى ناتيجەسىندە اقش تۇرعىندارىنىڭ جارتىسىنان كوبى بيىلعى سايلاۋدىڭ كەسىرىنەن كۇيزەلىسكە ۇشىراعانى انىقتالعان. امەريكا تۇرعىندارى ۇرەي، ىزا، تۇسىنەن شوشۋ سياقتى پسيحولوگيالىق كۇيزەلىستەرگە بۇرىنعىدان گورى ءجيى ۇشىراعان.

شۆەيساريا باسىلىمى امەريكالىقتاردىڭ ءبىرى باسشىلىققا كلينتون كەلسە، قارۋىمىزدى وتكىزۋگە تۋرا كەلەدى، ءوز قاۋىپسىزدىگىمىز ءۇشىن الاڭدايتىن بولامىز دەسە، ەندى ءبىرى ترامپ سايلاۋ ناتيجەسىن مويىنداماسا مەملەكەت ىشىندە تارتىپسىزدىكتەر ورىن  الادى دەپ قاۋىپتەنەتىنىن جازىپتى.

ال مايك ادامس دەگەن امەريكالىق ينتەرنەت ءجۋرناليسى "اقش-تاعى سايلاۋدىڭ ناتيجەسىنە قاتىستى ايتساق، 95 پايىز جاعدايدا امەريكا كوشەلەرى قانعا باتۋى مۇمكىن" دەگەن ەكەن.

ەگەر ترامپ جەڭسە...

ادامستىڭ ويىنشا، ونىڭ قازىرگى جاعدايداعى مۇمكىندىگى 75 پايىز.

وندا دەموكراتتار سايلاۋشىلار داۋسىنان ۇرلايدى (10 پايىز بولۋى مۇمكىن).

ترامپتىڭ قولداۋشىلارى سايلاۋ ناتيجەسىندەگى جاساندىلىقتى مويىندامايدى. سودان قارۋلى قاقتىعىستار ورىن الۋى مۇمكىن. ازاماتتار كوشەگە شىعىپ، ۇكىمەتتىك عيماراتتاردى قورشاپ، جەمقورلىققا قارسى توڭكەرىس ۇيىمداستىرۋعا تالپىنادى.

ترامپ جەڭسە، وباما ونىڭ جەڭىسىن دۇرىس ەمەس دەپ باعالايدى. دەموكراتتاردىڭ ءوزى دەموكراتيانى ۇناتپايدى. وباما مەن كلينتون دونالد ترامپقا وزدىگىنەن بيلىكتى بەرە سالمايتىنى انىق.

كلينتون جەڭگەن جاعدايدا...

ترامپ سايلاۋ ناتيجەسىنىڭ زاڭدىلىعىن تەكسەرۋگە ءوتىنىش بەرەدى. قۇقىقتىق پروسەدۋرالار اسكەري توڭكەرىسكە نەمەسە ازاماتتاردىڭ كوتەرىلىسىنە ۇلاسۋى مۇمكىن. نارازى امەريكالىقتار ۆاشينگتوندا كوتەرىلىس جاسايدى. وندا جەمقورلىق جۇيەنى قۇلاتۋ ءۇشىن قانتوگىس بولاتىنى ءسوزسىز. امەريكالىقتاردىڭ جارتىسىنا جۋىعى حيللاري كلينتوندى پرەزيدەنت رەتىندە قابىلداي المايدى. ويتكەنى ول وتە جەمقور جانە ءقاۋىپتى دەپ ەسەپتەيدى ساراپشى.

"ترامپ ريەۆوليۋسيا!"

ال رەسەي عىلىم اكادەمياسى فيلوسوفيا ينتسيتۋتىنىڭ عىلىمي قىزمەتكەرى ۆلاديمير شالاك  "مۇحيتتىڭ ار جاعىنداعى جاعداي راسىندا كۇردەلى" دەيدى.

31 تامىزدا وباما كەنەتتەن امەريكالىقتاردى جاھاندىق اپاتتارعا دايىن بولۋعا شاقىردى. مىسالى، داۋىل، جەر سىلكىنىسى، تەرروريزم وقيعالارى سياقتى. ول ءتىپتى ارنايى قۇجاتقا قول قويدى. وباما تۇرعىندارعا ءومىرىن ساقتاندىرۋدى، ازىق-تۇلىك قورىن جيناپ الۋدى ەسكەرتتى. ال 13 قازاندا وباما حالقىن كوسموستان شابۋىلعا دايىن بولۋعا شاقىرىپ، بۇيرىق بەردى. كوسموستان كەلەر ءقاۋىپتى سىلتاۋ ەتىپ، وباما جەردەگى كاتاكليزمگە دايىندالىپ جاتقان سياقتى، الەۋمەتتىك كاتاكليزمگە.

27 قازاندا "New York Times" باسىلىمى كلينتون جەڭگەن جاڭدايدا ترامپتىڭ جاقتاستارى توڭكەرىس جاسايتىنى تۋرالى ماقالا جارىق كوردى. ولار كلينتوندى پرەزيدەنت رەتىندە مويىنداماي، سايلاۋدىڭ زاڭسىز ناتيجەسىنە نارازىلىق رەتىندە كوشەلەردى باسىپ الماق.

رەسەيلىك ساراپشى "تۆيتتەر" جەلىسىندەگى پىكىرلەردى زەرتتەي كەلە سوڭعى ۋاقىتتا اتالمىش الەۋمەتتىك جەلىدە كلينتون نەمەسە ترامپتىڭ اتىمەن بايلانىستى "ريەۆوليۋسيا" دەگەن ءسوزدى قولدانعان 4 مىڭنان استام امەريكالىق پىكىر جازۋشىنى تاپقان. ياعني الەۋمەتتىك جەلىدەگى پىكىرلەر — حالىقتىڭ ءسوزى. ال ريەۆوليۋسيا ءسوزىن ەكى كانديداتتىڭ اتىمەن بايلانىستى قولدانعان 4 مىڭنان استام  ادامنىڭ بولۋى امەريكالىقتاردىڭ بۇل سايلاۋدىڭ ناتيجەسىنە قاتتى الاڭدايتىنىن بىلدىرسە كەرەك.

مىسالى، "تۆيتتەردە" مىنانداي پىكىرلەر جاريالانىپتى:

"توڭكەرىس بولادى: ترامپتىڭ وگايوداعى جاقتاستارى ونى قولدايدى".

"بۇل توڭكەرىس! ترامپتىڭ جاقتاستارى نيۋ-يورك كوشەلەرىنە شىقتى".

"حيللاري  امەريكالىقتاردى جاقسى كورمەيدى. وتىنەمىز، ونىڭ جەڭۋىنە مۇمكىڭدىك بەرىپ، ۇيدە وتىرماڭىزدار!"

"ونى جاقسى كورسەڭ دە، جەك كورسەڭ دە: ترامپ — بۇل يستەبليشمەنتكە قارسى كوتەرىلىس".

 "مەن نە بولىپ جاتقانىن كورىپ تۇرمىن، سايلاۋدا جاپپاي الاياقتىققا ورىن بەرىلۋدە. بۇكىل ەل كولەمىندە. ترامپ سايلاۋ ناتيجەسىن داۋلاۋى كەرەك. ترامپ توڭكەرىس!"

"بۇل قوزعالىس ەمەس، بۇل ريەۆوليۋسيا! ءبىز ۇكىمەتتىك جەمقورلىققا، وتىرىككە، ورىندالماعان ۋادەلەرگە قارسى بىرىگەمىز. ترامپقا داۋىس بەرىڭدەر!"

"حيللاري رەسەيمەن سوعىستا ءسىزدىڭ قىزىڭىز تەڭ جاعدايدا قازا تابۋى مۇمكىن ەكەندىگىنە كەپىلدىك بەرىپ وتىر!".

ساراپشى قالاي بولعاندا دا ادامدار سايلاۋدىڭ ءادىل جەڭىسپەن اياقتالۋىن كۇتەتىنىن ايتادى. ويتكەنى سايلاۋدا كىم جەڭسە حالىقتىڭ تاعدىرى سوعان بايلانىستى ەكەنى بەلگىلى.

ازىرلەگەن دانا قامشىبەك