الماتى قالاسىندا 5 قاراشادا ءىىم ەسىرتكى بيزنەسىنە قارسى كۇرەس دەپارتامەنتىنىڭ باستىعى ادىلەت گەنەرال-مايورى سۇلتان قۇسەتوۆتىڭ توراعالىعىمەن «كوكنار-2016» جەدەل-پروفيلاكتيكالىق ءىس-شاراسىنىن قورىتىندىلاۋ  بويىنشا  جەدەل وتىرىس ءوتتى، بۇل تۋرالى «قامشى» پورتالى الماتى ىشكى ىستەر دەپارتامەنتىنىڭ باسپا ءسوز قىزمەتى حابارلادى.  

وتىرىس جۇمىسىنا ءىىم ەسىرتكى بيزنەسىنە قارسى كۇرەس دەپارتامەنتى باسشىلىعى، ىشكى ىستەر ورگاندارىنىڭ اۋماقتىق ەبقكب باسشىلارى سونداي-اق رەسەي فەدەراسياسى، قىرعىز رەسپۋبليكاسى – شەتەل مەملەكەتتەرىنىڭ ناشاقورلىققا قارسى قۇرىلىمدارىنىڭ وكىلدەرى، اقش ەسىرتكىگە قارسى كۇرەس باسقارماسى، ق ر اقش ەلشىلىگى جانىنداعى اسكەري ىنتىماقتاستىق ءبولىمى، بۇۇ ەسىرتكى جانە قىلمىس جونىندەگى باسقارماسى، ورتاازيالىق وڭىرلىك اقپاراتتىق ۇيلەستىرۋ ورتالىعى قاتىستى.

وتىرىسقا قاتىسۋشىلار الدىندا، سۇلتان قۇسەتوۆ ەسىرتكىنىڭ زاڭسىز اينالىمى ەلىمىزدىڭ ۇلتتىق جانە ەكونوميكالىق قاۋىپسىزدىگىنىڭ نەگىزىن جويىپ جاتقان وزەكتى پروبلەما ەكەنىن اتاپ ايتتى.

ەلىمىزدىڭ اۋماعىنا سونداي-اق سىرت جەرلەرگە ەسىرتكى جيناۋ، قايتا وڭدەۋ جانە تاراتۋعا مۇددەلى قىلمىستىق توپتاردىڭ نازارىن اۋداراتىن ەسىرتكى تۇقىمداس وسىمدىكتەردىڭ ءىرى كوزى بولىپ تابىلاتىن قازاقستان اۋماعىندا شۋ القابى بار.

ءبىزدىڭ ەلىمىزدىڭ وسى ەرەكشەلىگى جابايى وسەتىن قاراسورا دايىنداۋدىڭ جولىن كەسۋدە، سونداي-اق شۋ القابىنان ەسىرتكى شىعارۋ باعىتتارىنا كەدەرگى قويۋدا ىشكى ىستەر ورگاندارىنىڭ مىندەتىن ايقىنداپ بەردى.

ارنايى وپەراسيا قورىتىندىسىن شىعارۋدا ءىىم ەسىرتكىگە قارسى قىزمەتتەردىڭ باسشىسى ەسىرتكى تۇقىمداس وسىمدىكتەردى دايىنداۋ جانە ترافيك فاكتىلەرىنىڭ جولىن كەسۋ، سونداي-اق «اۋعان» ەسىرتكىلەرى ترافيگى ارنالارىن جويۋ، ۇيىمداسقان قىلمىستىق ەسىرتكى توپتارىنىڭ ارەكەتتەرىنىڭ جولىن كەسۋ بويىنشا ەسىركىلىك پوليسيا العا قويىلعان بارلىق مىندەتتەردى ىسكە اسىرعانىن اتاپ ايتتى.

«كوكنار-2016» جپى-گە قاتىسۋعا جامبىل وبلىسى ءىىد قاراماعىنا تداو، «ارلان» ارنايى بولىنىستەرى جانە «بۇركىت» ۇلتتىق ۇلانىنىڭ قوسىمشا كۇشتەرى جانە قۇرالدارى تارتىلدى.  وپەراسياعا تۇراقتى تۇردە ىشكى ىستەر ورگاندارىنىڭ 2300-دەن استام قىزمەتكەرلەرى  تارتىلدى.

قۇمداعى بارۋ قيىن جەرلەردە مودۋلدىق كوشپەلى قوسىندار، سونداي-اق تاۋلى جەرلەردە جۇرە الاتىن اۆتو كولىك قۇرالدارى جانە پيلوتسىز ۇشاتىن اپپاراتتار قولدانىلدى.

بۇل جامبىل وبلىسىندا جۇرگىزىلگەن ءىس-شارالاردىڭ تيىمدىلىگىن ارتتىرۋعا جانە تۇتاس العاندا وپەراسيانى ورىنداۋعا مۇمكىندىك بەردى.

بارلىعى 4 ايدىڭ ىشىندە «كوكنار-2016» وپەراسياسىندا 3 300-دەن اسا  ەسىرتكىلىك قۇقىق بۇزۋشىلىق قىلمىسى تىركەلدى. ونىڭ ىشىندە 1300 قىلمىستىڭ 681 فاكتىسى ساتۋ، 60 فاكتى كونتراباندا، 213 فاكتى  قۇرامىندا ەسىرتكى بار وسىمدىك ءوسىرۋ، اسا ءىرى كولەمدە ساقتاۋدىڭ 402 فاكتىسى بار.

زاڭسىز اينالىمنان 33 توننا 510 كگ ءتۇرلى ەسىرتكى قۇرالدارى، ونىڭ ىشىندە 52 كگ گەروين، 109،5 كگ.گاشيش، 32،5 توننا ماريحۋانا تاركىلەندى. 

«كوكنار-2016» جپو بارىسىندا ەسىرتكى تۇقىمداس وسىمدىكتەردى زاڭسىز ءوسىرۋ پلانتاسيالارىن انىقتاۋعا ەرەكشە نازار اۋدارىلدى.

وسى ماقساتتا ەسىرتكى بيزنەسىنە قارسى كۇرەس دەپارتامەنتى ۇلتتىق ۇلاننىڭ «بۇركىت» ارنايى بولىمشەسىمەن بىرلەسىپ،  قاراسورا ەگىلگەن جەرلەردى انىقتاۋ، زاڭسىز پلانتاسيالاردى ۇيىمداستىرۋشىلار مەن ەسىرتكى دايىنداۋشىلاردى ۇستاۋ بويىنشا ارنايى وپەراسيا وتكىزدى.

ناتيجەسىندە قىزىلوردا، وڭتۇستىك قازاقستان، قاراعاندى جانە اقتوبە وبلىستارىندا  ەسىرتكى تۇقىمداس وسىمدىكتەردى زاڭسىز ءوسىرۋدىڭ 163 فاكتىسى انىقتالدى. 21 گەكتاردان استام الاڭداعى 135 پلانتاسيا جويىلدى. 

بۇل رەتتە 90 مىڭنان استام ەسىرتكى تۇقىمداس وسىمدىكتەر نەمەسە 74 توننا ءۇندى قاراسوراسى جويىلدى، قۇرامىنداعى ەسىرتكىلىك بەلسەندى زات جابايى وسەتىن شۋ قاراسوراسىنىڭ ەسىرتكىلىك قاسيەتىنە 5 ەسە اسىپ تۇسەدى.

كەڭ كولەمدەگى «كوكنار-2016» جەدەل-پروفيلاكتيكالىق وپەراسياسى جىل سايىن ماۋسىم مەن قازان ايلارى ارالىعىندا ەسىرتكى تۇقىمداس جابايى وسىمدىكتەردىڭ پىسكەن كەزەڭىندە جۇرگىزىلەدى.

جەدەل-پروفيلاكتيكالىق ءىس-شاراسىنىڭ نەگىزگى مىندەتتەرى مىنالار بولىپ تابىلادى:

-شۋ القابىنان كاننابيستىك توپتاعى ەسىرتكى دايىنداۋمەن، شىعارۋمەن اينالىساتىن ادامداردى انىقتاۋ جانە ۇستاۋ، سونداي-اق «اۋعان» ەسىرتكى ارناسىنىڭ ءترانزيتىن جويۋ؛ 

- كاننابيستىك توپتارداعى ەسىرتكىنىڭ العاشقى شىعارىلاتىن جەرى رەتىندەگى ەسىرتكى ءوندىرىسىن جويۋ؛

- قىلمىستىق جولمەن قارجى كىرىستەرىن الۋ ماقساتىندا قىلمىسپەن اينالىساتىن ۇيىمداسقان قىلمىستىق توپتاردىڭ ەكونوميكالىق نەگىزىن جانە ولاردىڭ ينفراقۇرىلىمىن جويۋ.

- ناشاقورلىق جانە ەسىرتكى قىلمىسى دەڭگەيىن ازايتۋ.