سوڭعى ۋاقىتتا ءجيى ەستيتىن جاڭالىقتىڭ ءبىرى- مالدان شىققان اۋرۋ.  قاراسانى ءبىر، توپالاڭى بار، اۋسىلى بار. ايتەۋىر ءىرى قارا مال اۋرۋدان ءبىر ارىلماي-اق قويدى. ءبىز ادەتتە وقيعانىڭ سالدارىنان عانا قورىتىندى شىعارامىز. 2016 جىل قاراعاندى، كۇيدىرگى جۇقتىرعان ەكى وشاق. ءبىرى –شەت، ەكىنشىسى –اقتوعاي اۋدانى. وقيعا سالدارىنان ءبىر ادام كوز جۇمدى. پاۆلوداردا دا كۇيدىرگىنىڭ ءبىر وشاعى انىقتالدى، ءبىر ادام قايتىس بولدى. وسى وقيعالاردان  كەيىن ۇكىمەت ىندەتتىڭ قايدان جانە قالاي شىققانىن زەرتتەي باستادى. بۇرىنعىداي ەمەس، ءقازىر مالدارعا ەكپە سالىنادى، شەتتەن اكەلەتىن مالدار جوق. ءبىراق، ءبىر جىلدا ءتورت وشاقتىڭ شىعۋى الاڭداتپاي قويمايدى. سەبەپتىڭ ءبىرى مال كومەتىن قورىمداردا بولۋى مۇمكىن دەگەن بولجام جاسالدى. كۇيدىرگىنىڭ تاياقشالارى جەرگە كومىلسە دە، ءجۇز ەلۋ جىلعا دەيىن ولمەيدى. اۋرۋ قوزدىرعىشى كەز-كەلگەن ساتتە كوتەرىلۋى مۇمكىن. سوندىقتان اۋىل شارۋاشىلىعى مينيسترلىگىنە بەس اي ىشىندە بارلىق مال كومىندىلەرىن تاۋىپ، ارنايى بەلگى قويۋ جۇكتەلدى.

سالتانات ءابىلقاسىموۆا، ق ر اشم ۆەتەرينارلىق باقىلاۋ جانە قاداعالاۋ كوميتەتى، باسقارما  باسشىسى: قازىرگى تاڭدا رەسپۋبليكا بويىنشا ءبىزدىڭ كاداستر بويىنشا 2206 وشاق تىركەلدى، 1592 وشاق قورشالىپ، وعان ءتيىستى ەسكەرتۋ بەلگىلەرى قويىلعان.

ەسەپتەپ كورسەك، اۋرۋ قوزدىرعىش  500-گە جۋىق كوورديناتى ءالى بەلگىسىز. «ءقاۋىپ جوق دەمە، جەر استىندا».  ۇلتتىق ارنا ءجۋرناليستى اينۇر ومار اپتا بويى ءقاۋىپتى قورىمداردى ارالاعان.  ءقاۋىپتى قورىمدار  تۋرالى  تولىق اقپاراتتى تومەندەگى بەينەسيۋجەتتە ايتىلعان. 

ماتەريال "قازاقستان" ۇلتتىق ارناسىنىڭ سايتىنان الىندى.