ءماجىلىس دەپۋتاتى ازات پەرۋاشيەۆتىڭ ايتۋىنشا، ۇلتتىق قوردىڭ ءۇش جىلعا ارنالعان بولجامى بويىنشا، ۇلتتىق قورداعى قاراجات 9،5 ميلليار دوللارعا دەيىن قىسقارادى. سونىمەن قاتار، ماجىلىسمەن قورداعى ينۆەستيسيالىق تابىستىڭ 712 ميلليارد تەڭگەدەن 686 ميلليارد تەڭگەگە دەيىن، ياعني 16 پايىزعا ازايۋى مۇمكىن ەكەنىن ايتىپ ءوتتى. بۇل تۋرالى «قامشى» پورتالى Tengirnews.kz-سىلتەمە جاساپ.

«ۇلتتىق قورعا قاراجات تەك تەڭگەمەن سالىنبايدى، بۇل دەگەنىمىز قورداعى اقشانىڭ ءالى دە ءبىراز ازاياتىنىن بىلدىرەدى. مەملەكەت باسشىسى نەگىزگى ەكى ماسەلەنى شەشۋ ءۇشىن ۇلتتىق قوردى قۇردى: داعدارىس كەزىندە ەكونوميكالىق جاعدايدى تۇراقتاندىرۋ مەن بولاشاق ۇرپاق ءۇشىن اقشا جيناۋ. باستاپقىدا بۇل قورداعى قاراجات 2007-2009 جىلدارداعى داعدارىس كەزىندە جۇمسالدى. ءبىراق ۋاقىت وتە كەلە ۇلتتىق قورداعى قاراجات بيۋدجەتتى تولتىرۋ ءۇشىن قاجەتتى كەزدە الا سالاتىن قاراجات كوزى بولدى»، - دەگەن پەرۋاشيەۆ ءوز سوزىندە.

سونداي-اق، ازات پەرۋاشيەۆ بىلاي جالعاسا بەرسە، ۇلتتىق قورداعى قاراجاتتىڭ جەتپەي قالۋى مۇمكىن ەكەنىن ايتتى.

«ەكونوميكامىزدى دامىتۋدىڭ ورنىنا ءبىز وزىمىزگە ەمەس، بولاشاق ۇرپاعىمىزعا تيەسىلى اقشانى جەپ جاتىرمىز. ءبىز ينۆەستيسيالىق تابىستى كوبەيتۋدىڭ ورنىنا، قوردا قالعان اقششالاردى جەپ جاتىرمىز. ءبىراق بۇل جاعداي ءارى قاراي جالعاسا بەرمەۋى كەرەك. وسى قالىپپەن جۇرە بەرسەك، كۇندەردىڭ ءبىر كۇنىندە قوردىڭ ءوزى بىزگە جەتپەي قالۋى مۇمكىن»، - دەدى دەپۋتات.