مىڭداعان وتباسى وقۋشىلارعا بەرىلەتىن ءۇي تاپسىرماسىنىڭ شەكتەن تىس كوپتىگىن ايتىپ نارازىلىق بىلدىرۋدە. يسپان بالالارى ءۇي تاپسىرماسىن ورىنداۋعا اپتاسىنا ورتاشا ەسەپپەن 6،5 ساعاتىن جۇمسايدى ەكەن. بۇل تۋرالى بي-بي-سي حابارلايدى.

 اتا-انالار اليانسى قۇرامىنداعى 12 مىڭ مەكتەپتەگى اتا-انالار كوميتەتتەرىن نارازىلىق اكسياسىن وتكىزۋگە شاقىرعان.  ۇيىم وكىلدەرى بالالار ءۇي تاپسىرماسىن ورىنداۋدان گورى اتا-انالارىمەن كوبىرەك ۋاقىت وتكىزۋى كەرەك دەپ ەسەپتەيدى. سونداي-اق اليانس قىزمەتكەرلەرى يسپانيادا بالالاردىڭ وتە از دەمالاتىنىن، ءۇي تاپسىرماسىنىڭ وقۋشى ءۇشىن شەكتەن تىس ارتىق سالماق ەكەنىن دالەلدەگىسى كەلەدى. اكسيانى ۇيىمداستىرۋشىلار اتا-انالاردى بۇنداي اكسيانى قاراشا ايىنىڭ ءار جەكسەنبىسىندە وتكىزۋدى ۇسىندى.

 يسپان بالالارىنىڭ ءۇي تاپسىرماسىنا بەرىلگەن ۋاقىتى باسقا مەملەكتتەرگە قاراعاندا كوپ بولعانىمەن جاراتىلىستانۋ سالاسىنداعى پاندەردەن، مىسالى ماتەماتيكادان تومەن كورسەتكىشكە يە. ال الەم بويىنشا وقۋ ۇلگەرىمى فينليانديا مەن وڭتۇستىك كورەيا وقۋشىلارىندا جوعارى ەكەن. بۇل مەملەكەتتەردەگى وقۋشىلاردىڭ ءبىر اپتادا  ءۇي تاپسىرماسىنا جۇمسايتىن  ۋاقىتى ءۇش ساعاتتان اسپايدى ەكەن.