تەرروريستەر جاپپاي دارعا اسۋ ارەكەتتەرىنە بارۋدا. ولار يراكتاعى موسۋل قالاسىندا تۇتقىندالعان 1600 تۇرعىندى بومبالاۋدا كەزىندە ءتىرى قالقان رەتىندە پايدالانۋدا. بۇل تۋرالى بىرىككەن ۇلتتار ۇيىمى حابارلايدى.
سونداي-اق بۇۇ-نىڭ حابارلاماسىندا موسۋلدىڭ شىعىس جاعىنداعى كادجاليدە 180 بۇرىنعى مەملەكەتتىك قىزمەتكەردىڭ ولتىرىلگەنى ايتىلعان. ال موسۋلدىڭ وزىندە 200 ادام ءولتىرىلۋى مۇمكىن. تەرروريستەر 9-10 جاستاعى بالالاردى دا ءوز قاتارلارىنا تارتۋدا.
بۇعان دەيىن حابارلانعانداي، موسۋلدى بوساتۋ وپەراسياسى 17 قازاندا باستالعان بولاتىن. وپەراسياعا يراك ۇكىمەتتىك كۇشتەرىنەن بولەك كۇرد اسكەرى جانە اقش باستاعان حالىقارالىق انتيتەررورلىق كواليسيا قاتىسۋدا.
