ۇبت-نىڭ جاڭا فورماتى ورتا مەكتەپتەرگە "التىن بەلگىنى" اتتەستاسيا قورىتىندىسى بويىنشا تاپسىرۋعا قۇقىق بەرەدى، - دەپ حابارلايدى Tengrinews.kz سايتى.

بۇل تۋرالى ورتالىق كوممۋنيكاسيالار قىزمەتىندەگى بريفينگتە ق ر بعم مەكتەپكە دەيىنگى جانە ورتا ءبىلىم بەرۋ دەپارتامەنتىنىڭ ديرەكتورى جاڭىل جونتايەۆا مالىمدەدى.

"ءبىز ءوز مەكتەپتەرىمىزگە، ءوز مۇعالىمدەرىمىزگە سەنەمىز. ورتا ءبىلىم تۋرالى اتتەستاتپەن قاتار، پەداگوگتار ۇجىمى "التىن بەلگى" مەن "ۇزدىك" اتتەستاتتاردى ۇبت-نىڭ ناتيجەسىمەن بايلانىستىرماي، بەرە الاتىن بولادى. ارينە، كوميسسيالار جۇمىس ىستەيدى، بۇل كوميسسيانىڭ قۇرامىنا قامقورشىلىق كەڭەس، قوعامدىق ۇيىمدار، اتا-انالار كوميتەتى كىرەدى"، - دەدى جاڭىل جونتايەۆا. ونىڭ ايتۋىنشا، اتتەستاتتار 15 ماۋسىمعا دەيىن بەرىلەدى.

ول مەكتەپتەردەگى قورىتىندى اتتەستاسيالاۋدىڭ تەستىلەۋدەن ءبىر ەرەكشەلىگى دەپ، مەتاللىزدەگىش قۇرىلعىلاردىڭ، تۋرنيكەتتەردىڭ جانە تۇلەكتەردى تەكسەرۋدىڭ باسقا دا ادىستەرى قولدانىلمايتىنىن اتاپ ءوتتى. 

ەسكە سالايىق، وتكەن وقۋ جىلىنىڭ قورىتىندىسى بويىنشا "التىن بەلگى" يەگەرى اتانعان 2 208 تۇلەكتىڭ 45ء-ى گرانتسىز قالىپ قويعان بولاتىن.