مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان د.ترامپتى قۇتتىقتاپ، بيىل ەلدەرىمىز اراسىندا ديپلوماتيالىق قارىم-قاتىناس ورناعانىنا 25 جىل تولاتىنىن اتاپ ءوتتى.
بۇل تۋرالى قامشى پورتالى اقوردا باسپا ءسوز قىزمەتىنە سىلتەمە جاساپ حابارلايدى.
«ءسىزدىڭ باسشىلىعىڭىزبەن امەريكا قۇراما شتاتتارى دۇنيە جۇزىندە تۇراقتىلىقتى، قاۋىپسىزدىكتى ساقتاۋ جانە وسىپ-وركەندەۋ جولىندا تىرەك بولىپ قالا بەرەتىنىنە سەنىمدىمىن»، – دەلىنگەن جەدەلحاتتا.
ەلباسى قازاقستاننىڭ 2017-2018 جىلداردا بۇۇ قاۋىپسىزدىك كەڭەسىنە تۇراقتى ەمەس مۇشە بولۋى ارىپتەستىگىمىزدىڭ ماڭىزدى كەزەڭىنە اينالاتىنىنا سەنىم ءبىلدىردى.
«ءبىز كەڭەس جۇمىسىنا ەلەۋلى ۇلەس قوسىپ، اقش-پەن بارلىق وزەكتى ماسەلەلەر بويىنشا ءوزارا ءتيىمدى ءىس-قيمىل جاساۋعا ءازىرمىز»، – دەلىنگەن جەدەلحاتتا.
سوڭىندا نۇرسۇلتان نازاربايەۆ دونالد ترامپقا تابىس تىلەپ، ونى قازاقستانعا ساپارمەن كەلۋگە شاقىردى.
