تۇرىك پرەزيدەنتى ەردوعان ستامبۇلدا «MÜSİAD EXPO» كورمەسىنىڭ اشىلۋ راسىمىنە قاتىسىپ، كۇن ءتارتىبىن باعالادى، دەپ حابارلايدى «قامشى» پورتالى ترت-قازاق حابارىنا سىلتەمە جاساپ.

رەجەپ تايىپ ەردوعان حالىقتاردىڭ دەموكراتيالىق پارتياسىنىڭ (حدپ) وتكەن اپتا تۇتقىندالعان دەپۋتاتتارىنىڭ الدىندا «ارقامىزدى پكك/پيد/يپگ ۇيىمدارىنا سۇيەدىك» دەگەن سوزدەرىن ەسكە سالىپ، «ال بولشەكتەۋشى تەررور ۇيىمى كەلىپ ءسىزدى قۇتقارسىن» دەدى.

تۇركيانىڭ بۇل دەپۋتاتتارعا تۇركيا ۇلى ۇلتتىق ءماجىلىسىنىڭ (تۇۇم) ەسىكتەرىن اشىپ، وسىندا ساياسات جاساۋعا جاعداي جاساعانىن اتاپ ايتقان ەردوعان «ءبىراق ولار تۇۇم كىرگەن سوڭ مەملەكەتتى قورقىتپاقشى بولدى. ‘سەن مەنى جاۋاپقا تارتا المايسىڭ’ دەدى. قولسۇعىلماۋ قۇقىڭىز جويىلعان سوڭ ارينە سوت ورگاندارى سەنى تەرگەيدى. قولسۇعىلماۋ قۇقى جويىلعان سوڭ سەن دە جاي ازامات سياقتىسىن. باسقا پارتيا باسشىلارى بارىپ تۇسىنىكتەمەسىن بەرىپ، قايتىپ جۇمىسىن جالعاستىرادى. ءسىز دە سولاي جاساۋ كەرەك ەدىڭىز. ءسىز قورقىتپاقشى بولدىڭىز، ءبىزدىڭ ارقامىزدا پكك، پيد، يپگ بار دەدىڭىز. كەلىپ ءقازىر ولار ءسىزدى قۇتقارسىن» دەدى.

ەۋرووداققا دا نارازىلىق كورسەتكەن ەردوعان «ۇيالماي ‘تۇركيانىڭ ەۋرووداق كەلىسسوز كەزەڭىنە كوز جۇگىرتۋ كەرەك’ دەيدى. كەشىكتىڭىز، تەز ارادا كوز جۇگىرتىڭىز. كوز جۇگىرتۋمەن شەكتەلمەي ناقتى شەشىمىڭىزدى دە قابىلداڭىز. ‘تۇركيا تەررور تاقىرىبىندا سەزىمتال، ابىرويلى كۇرەسىن جالعاستىرادى’ دەپ كوز جۇگىرتەمىز دەسەڭىز، كەشىكپەڭدەر. ويتكەنى ءبىز تەررورمەن كۇرەستى سوڭىنا دەيىن جالعاستىرامىز» دەدى.

ەۋرووداق كەلىسسوزدەر توقتاعان جاعدايدا، تۇركياداعى 3 ميلليون بوسقىننىڭ وزدەرىنە جىبەرىلەتىنىنە الاڭداعانىن اتاپ كورسەتكەن پرەزيدەنت «بىزگە ادام قۇقىقتارى مەن دەموكراتيا جايلى ساباق بەرمەكشى بولعان باتىستىق ۇجدان جىلداردان بەرى جەرورتا تەڭىزى مەن ەگەي تەڭىزىندە جوعالىپ كەتكەن ون مىڭداعان ادام ءۇشىن كوز جاسىن توككەن بە؟ ەۋروپاعا بارا العان بوسقىندارعا ءارتۇرلى جابىرلەۋدى جاساعاندار ءبىز جايلى اڭگىمە بولعان كەزدە ارىستانداي بولادى. ۇيالماي قولدارىنان اققان قانعا قاراماي، بىزگە «ناسيست» دەيدى. ناعىز ناسيست وزدەرىڭىز» دەدى.