ولار ماس كۇيىندە كولىك ايداعان، قۇجاتسىز جۇرگەن جۇرگىزۋشىلەردى جازالاماعان. كەرىسىنشە قالتالارىنىڭ قامىن ويلاپتى.
بۇل تۋرالى كتك ارناسى حابارلايدى.
اقتوبەلىك ءتارتىپ ساقشىلارى اراسىندا جەمقورلىق تىيىلماي تۇر. سوندىقتان ىشكى ىستەر دەپارتامەنتى باسشىلارىنىڭ ءوزى پروسەستى ءتارتىپ ساقشىلارىنىڭ ورتاسىندا وتكىزۋدى ءوتىنىپتى. ۇكىم كەسەر كەزدە كوشەدە جۇرگەن جول ساقشىلارىنىڭ ءبارىن وسىندا جينالدى. كوزدەرىنشە اقشا كورسە مىندەتىن ۇمىتاتىن ارىپتەستەرىنىڭ الدى ءۇش جىلعا سوتتالدى. دەگەنمەن، سۋديا كوشپەلى وتىرىس ۇيىمداستىرۋدى وتىنگەن شەندىلەرگە دە ەسكەرتۋ جاسادى. ويتكەنى، جول ساقشىلارىنىڭ جۇمىس كەزىندە ءجۇرىپ-تۇرعانىن كۇنى بويى تۇسىرۋگە ءتيىس بەينە تىركەۋىشتەرى شاڭ باسىپ تۇر ەكەن. ونى مۇلدەم تاقپايدى. باقىلاۋ بولماعان سوڭ پوليسەيلەر بىلگەنىن ىستەيدى. وسىعان قاتىستى سۋديا قوسىمشا قاۋلى قابىلدادى.
