قحر سوتى جۇمادا كىسى ولتىرگەنى ءۇشىن ايىپتى دەپ تانىلعان ىشكى موڭعوليا اۆتونوميالىق اۋدانى پوليسياسىنىڭ بۇرىنعى باسشىسى چجاو ءليپيندى ءولىم جازاسىنا كەستى، دەپ حابارلادى قازاقپارات. ۇكىمدى شانسي پروۆينسياسى تايۋن قالاسىنىڭ سوتى شىعاردى.
سوت سونداي-اق 2008-2010 جىلدارى ول زاڭسىز 23،7 ميلليون يۋان (3،5 ميلليون اقش دوللارى) العانىن جاريا ەتتى. جوعارعى حالىق پروكۋراتۋراسى اقپاننىڭ باسىندا وعان كىسى ءولتىردى، ءوق-دارىنى زاڭسىز ساقتادى دەگەن ايىپ تاقتى. چجاو ليپين 2015 جىلعى ناۋرىزدا چيفەن قالاسىندا ادام اتىپ كەتكەن. كەيىننەن 2015 جىلعى شىلدە سوڭىندا ول پارتيادان شىعارىلدى. ول سونداي-اق ىشكى موڭعوليا جۇڭگو حالىق ساياسي كونسۋلتاتيۆتىك كەڭەسى بولىمشەسىنىڭ اعا ساياسي كەڭەسشىسى بولعان.
