تۇركيادا ءدىن وقۋىن وقىپ، 15 جىلداي سوندا ءومىر ءسۇرىپ كەلگەن ءبىر جىگىتپەن تانىستىم. بىلتىر كونيا دەگەن قالاسىندا ءدىندى تەرەڭدەپ وقىپ جاتقان 30 دان اسقان جىگىتتەرمەن تانىسقان ەدىم. قازاقستاننان ۇشىپ بارۋ تەگىن، جاتىن ورىندارى تەگىن، وقۋ تەگىن، تاماق تەگىن! كوممۋنيزم قىسقاسى! ال، وزدەرىمەن اڭگىمەلەسىپ، اتا-بابا، اتا-جۇرت، تۋعان ەل، اباي، ماحامبەت جايلى سوزدەردى ايتىپ كورىپ ەدىم، جىلت ەتكەن جانار كورە المادى. سۇمدىق! قازاق ءۇشىن، اتا-اناسى ءۇشىن جوعالعان بالالار!
ال، ەندى ءسىز ءبىر باي تۇرىككە، نە ارابقا بارىپ «وسىنداي دا وسىنداي قيىن جاعدايعا ءتۇسىپ تۇرمىن، 100 دوللار بەرشى» دەپ سۇراپ كورىڭىزشى. قيىن جاعدايدا بولماق تۇعىر، ءولىپ جاتساڭ قول ۇشىن بەرەر مە ەكەن؟!
ال، ەندى تۇرىكتەر وسىنشا قازاق جاستارىنىڭ باسىنا نەگە كوممۋنيزم ورناتىپ وتىر؟ نەگە الگى جاستار، اتا-انالارى وسىنى سارالاپ ويلامايدى؟ تەگىن ىرىمشىك قاقپاندا بولادى دەگەندى بىلمەيتىن جەر بەتىندە پەندە جوق شىعار! ال، سول تەگىن ىرىمشىككە وڭمەڭدەپ تۇرىپ ۇمتىلعاندى قاشان قويامىز؟؟
ال، ەندى ءوز مۇسىلمان باۋىرلارىنان تەرىس اينالىپ، ءبىر بوسقىن قابىلداماي قويعان ارابتار، مەشىت سالامىن دەسەڭ عانا ميلليونداعان دوللاردى نەگە توگە سالادى؟ قانشاما قايىرشى، ىشەرگە اسى، باسپاناسى جوق مۇسىلمان باۋىرلارىنا پىسقىرىپ تا قارامايتىن ولار ميللينداعان دوللاردى نەگە شاشادى؟
الگى جىگىتتىڭ ايتۋىنشا، تۇركيا مۇسىلماندارىنىڭ اراسىندا 100-دەن استام تارماق بار ەكەن. ءبىرىن-بىرى مويىندامايدى. كوبى سىرتتان اڭقاۋ قازاقتاردى اپارىپ، ءوز توبىن كوبەيتۋگە جانتالاسىپ جاتىر. وسى جاققا كەلگەن الگى باۋىرلار ءوز ەلىن جەك كورەتىن، قازاق دەگەن بولمىسىنان ايرىلىپ، مۇلدە باسقا ادام بولىپ ورالاتىنان كورىپ تە جۇرگەن بولارسىزدار!
تەگىن كەلگەن زاتتىڭ، ءبىلىمنىڭ ارتىندا ۇلكەن ءقاۋىپ بار ەكەنىن ۇمىتپاڭىزدار!
احمەتبەك نۇرسيلانىڭ فەيسبۋكتەگى پاراقشاسىنان الىندى
