«الماتى» تەلارناسىنداعى جۋرناليست نارتاي ارالباي ۇلى جۇرگىزەتىن «وتكىر ءتىل» باعدارلاماسىنا كەلگەن ايتىسكەر اقىن رينات زايىتوۆ قوعامدا بولىپ جاتقان ءدىن مەن ساياسات، ايتىس توڭىرەگىندە جۋرناليست قويعان سۇراقتارعا جاۋاپ بەرىپ، كوكەيدە جۇرگەن كەي ماسەلەلەر توڭىرەگىندە وتكىر وي ءبىلدىردى،- دەپ حابارلايدى قامشى پورتالى. 

ءبىر كەزدەرى ايتىسقا شىقپاي كەتكەن رينات ءوزىنىڭ ايتىسقا قاتىساتىنىڭن ەستىگەن شەنەۋنىكتەردىڭ ايتىس وتەتىن عيماراتتاردى ءوزى ءۇشىن بەرمەي قويعان ساتتەرى بولعانىن ايتتى.

ريناتتىڭ اتىن جامىلىپ  Facebook پاراقشاسىندا ءتۇرلى داۋلى ماسەلەرگە وت سالاتىن جالعان اقپارات تاراتىپ جۇرگەن، رينات بەكتاس ۇلى تۋرالى دا اقىن ءوز پىكىرىن ايتىپ كەتتى. زايىتوۆتىڭ اتىن جامىلعان رينات بەكتاس ۇلى اتتى جەلى قولدانۋشىسى قانات يسلامنىڭ ايەلى اسىرە ءدىنشىل، حيدجاب كيەدى دەگەن قاۋەسەت تاراتىپ، ءبىراز جۇرتتى دۇرلىكتىرگەن بولاتىن. ءتىپتى، ول وسەككە وكپەلەگەن  جۇڭگو قازاقتارى رينات زايىتوۆقا حابارلاسقان كورىنەدى.

قازاقستاندا نەگىزگى بيلىك حالىقتىڭ قولىندا، ول اتا-زاڭدا كورسەتىلگەن دەيتىن اقىن شەندىنىڭ ءبارى باستىق ەمەس، ولار حالىقتىڭ قىزمەتكەرلەرى دەي وتىرىپ، بىلاي دەيدى:  

كارىم ءماسىموۆ پرەمەر-مينيستر بولىپ تۇرعاندا «وتستاۆكاعا» كەتپەيسىز بە دەپ اشىق ايتقانمىن. ق ر ازاماتى رەتىندە ونى ايتۋىما ميلليون نەگىزىم بولدى. سول ءسوز ايتىلعان ايتىستىڭ ەرتەسىندە مەن ءوز ارامىزدا  كىشىگىرىم جينالىسقا سالىندىم.  سوندا ءبىر اق سۇراق قويدىم. ءبىز ءوز جەرىمىزدە، ءوز مەملەكەتىمىزدە وتىرىپ، ءوزىمىزدىڭ مۇڭ-مۇقتاجىمىزدى ايتۋ ءۇشىن ءبىر قىزمەتتەگى ادامنان قورقامىز با؟! ءبىزدىڭ اتا-زاڭىمىزدا قازاقستاننىڭ نەگىزگى بيلىگى حالىقتا، قالعانىنىڭ ءبارى اتقارۋشى بيلىك دەپ جازىلعان. دەمەك، پرەمەر-مينيستر، دەپۋتات،  وبلىستىڭ اكىمى بارلىعى حالىقتىڭ قىزمەتكەرلەرى. باستىعىمىز ەمەس. وسىنىڭ ارا-جىگىن اجىراتىپ الۋ كەرەك.