بۇگىنگى تاڭدا قازاق سپورتىن ودان ءارى دامىتۋعا مادەنيەت جانە سپورت مينيسترلىگى كوپتەگەن يگى ءىس-شارالاردى اتقارىپ جاتىر. سولاردىڭ ءبىرى سپورت زاڭدارىن قايتا قاراپ، وزگەرتۋلەر جاساپ، سپورتشىلارىمىزدىڭ مۇددەسىن، قۇقىعىن قورعاۋداعى، سونداي-اق، جوعارى جەتىستىكتەرگە جەتۋدەگى بارلىق تالاپتارىن زاڭدى تۇردە جۇزەگە اسرۋدى كوزدەپ وتىر. وسىعان وراي بوكستان 2000 جىلعى سيدنەي وليمپياداسىنىڭ چەمپيونى ەرماحان يبرايموۆ ءوز پىكىرىن ءبىلدىردى.

بۇل تۋرالى قازاقپارات حابارلايدى. 

«قازاق سپورتىنا وزگەرىستەر كەرەك ەكەنى بەلگىلى. وسىعان وراي  سپورت سالاسىندا «بۇل زاڭعا ەنگىزىلگەلى وتىرعان جاڭا وزگەرىستەردى مەن ءوز باسىم تولىق قولدايمىن. ەشكىمگە دە جاسىرىن ەمەس قوي، ءقازىر بىزدە كەي وڭىرلەر سول جەردىڭ كليماتتىق جاعدايى، سپورتشىلارىنىڭ دەڭگەيىنە ساي كەلمەيتىن سپورت تۇرلەرىن دامىتۋدا. كەرىسىنشە سول ايماقتا دامۋىنا تولىق مۇمكىندىگى بار سپورت تۇرلەرىنە كوپ كوڭىل بولە الماي وتىر. بۇل جولعى زاڭعا ەنگىزىلەتىن وزگەرىستەر وسى ماسەلەنى شەشۋگە باعىتتالعان. پارلامەنتتەگى حالىق قالاۋلىلارىنىڭ تالقىسىنان ءوتىپ، تاعى دا ءبىرقاتار جاقسى وزگەرىستەردى سول كىسىلەر ۇسىنادى دەپ ۇمىتتەنەمىن. جالپى، قورىتىپ ايتقاندا وسى وزگەرىستەر وتاندىق سپورت سالاسىنىڭ دامۋىنا جاڭا مۇمكىندىكتەر اشادى دەپ ويلايمىن»، - دەدى ول.