يزرايل پارلامەنتىندە(Knesset) ەل اۋماعىندا داۋىس زورايتقىشتارمەن ازان ايتىلۋىنا تيىم سالاتىن زاڭ تالقىلاندى. بۇعان بايلانىستى اراب تەكتى دەپۋتات ءابۋ ارار پارلامەنت مىنبەرىنە شىعىپ، جۇرت ونى ءسوز سويلەيدى دەپ كۇتكەندە كەنەتتەن ازان وقىدى. بۇل تۋرالى «قامشى» پورتالى حابارلايدى.
بۇعان دەيىن كنەسسەت ازاندى داۋىس زورايتقىشتارمەن ايتۋعا بولمايدى دەگەن زاڭدى قابىلداپ ماجىلىسكە جىبەرگەن. الايدا ءدىندار Yahudot HaTora(بىرلەسكەن ءتاۋرات) پارتياسىنىڭ قارسىلىعىمەن زاڭ داۋىسقا سالىنباي كەيىنگە قالعان.
يزرايل كنەسسەتى بۇل ماسەلەنىڭ تالقىعا سالىنۋىنا «ازان داۋسى شۋ شىعارادى» دەگەن سىلتاۋدى سەبەپ قىلىپ وتىر.
اتالعان تالقىلاۋعا ءوز قارسىلىعىن ازان وقۋ ارقىلى بىلدىرگەن ءابۋ اراردى قالعان دەپۋتاتتار سوگىستىڭ استىنا الدى.
ءيزرايلدىڭ بۇنداي زاڭ ارقىلى مەشىتتەردەن ازان وقىتپاۋعا تىرىسۋى پالەستينا مەن باسقا دا مۇسىلمان مەملەكەتتەردىڭ قارسىلىعىنا ۇشىراپ وتىر.
