بۇگىن جولداسبەكوۆ اتىنداعى ستۋدەنتتەر سارايىندا تاۋەلسىزدىكتىڭ 25 جىلدىعى مەن  اتا-جۇرتقا ميلليون قازاقتى قوسقان 25 جىلدىققا ارنالىپ  «قامشى» اقپاراتتىق پورتالى مەن «قازاقستان» ۇلتتىق ارناسى  بىرلەسىپ  وتكىزىپ وتىرعان   كونسەرتتى بۇگىن  «حابار» ارناسىنان كەشكى ساعات  19:30-دا تاماشالاي الاسىزدار،- دەپ حابارلايدى قامشى پورتالى. 

بۇل شارانى —  «قازاق كوشىنىڭ» 25 جىلىنا تاريحي باعا بەرۋ جانە قاراشاڭىراققا ۋىق بولىپ قادالعان ميلليوننان استام قازاقتىڭ ەل مەن ەلباسىنا العىس ايتۋى دەپ قابىلداعان ءجون. العىستى تەك جالاڭ سوزبەن عانا ەمەس، ەلگە كەلىپ وسىپ-ونگەن، جەتىستىككە جەتكەن اعايىننىڭ جارقىن بەت-بەينەسىمەن كورسەتكىسى كەلەدى.

كەش جۇرگىزۋشىلەرى: ازامات ساتىبالدى، اننا دانچەنكو.  مەرەكەلىك كونسەرتتە  ەسىمى ەلىمىزگە عانا ەمەس دۇنيەجۇزىنە ايگىلى وپەرا ءانشىسى مايرا مۇحاممەد، رامازان ستامعازييەۆ، «الاش ۇلى» توبى، مۇراتبەك سارباسوۆ، يبراگيم ەسكەندىر، شابا ابدەنقۇل قىزى، «الاش ۇلى»، «قوڭىر» توپتارى، كۇيشى ەركىن ەرگەن، بيبىگۇل قيلىمحان، وزگەرىس شەرىكباي، اينۇر قاجيموللا، قۋانىش التىبايەۆ ونەر كورسەتەدى.