"قامشى" پورتالى 18 قاراشادا، الماتى قالاسىندا "كوش جانە كوشباسشى" اتتى مەرەكەلىك كونسەرت وتكىزدى. مەرەكەلىك كەش قازاقستان تاۋەلسىزدىگى مەن ۇلتتىق كوشى-قونعا نەگىز بولعان قاۋلىنىڭ قابىلدانعانىنا 25 جىل تولۋىنا وراي وتكىزىلدى.

وسى ورايدا وقىرمان نازارىنا 2002 جىلدىڭ 23-24ء-شى قازان كۇندەرى تۇركىستان قالاسىندا وتكەن دۇنيەجۇزى قازاقتارىنىڭ ءىى-شى قۇرىلتايىنداعى ەلباسىنىڭ الەم قازاقتارىنا جولداۋىن ۇسىنامىز:
"تاعدىرىمىز سولاي بولىپ، اننان قاشقانداردى، مۇننان قاشقانداردى ەۋروپادان دا، ازيادان دا تىڭ جەردى كوتەرەمىز دەپ، قازاقتىڭ سانىن ازايتامىز دەپ، كوپ ۇلتتى بولدىق. ونى كەمشىلىك دەپ ساناماۋ كەرەك. ارتىقشىلىعىمىز دەپ ساناۋ كەرەك! سوندىقتان ءبىز ءار ۇلتتىڭ حالقىن باۋىرىمىزعا باسىپ ۇيرەنگەن حالىقپىز، ال ەندى شەتەلدەن كوشىپ كەلەمىز دەگەن ءوز قازاقتارىمىزدى باۋىرىمىزعا باسا المايمىز با سوندا؟! مەن ويلايمىن، سەگىز جارىم ميلليون قازاق قازاقستاندا. مەنىڭشە، ءقازىر توعىز ميلليونعا جاقىندادى. سەبەبى، وسى جىلداردىڭ ىشىندە جارتى ميلليون قازاق كوشىپ كەلدى. سەگىز ميلليوندى ورتاشا ءۇش جارىمعا، تورتكە بولگەندە، قانشا جانۇيا بولادى؟! ەكى ميلليونعا جاقىن ءبىزدىڭ جانۇيامىز بار. ءتورت ميلليونعا جاقىن جانۇيا ەكى قازاقتان شاقىرىپ اكەپ، اياعىنان تۇرعىزىپ جىبەرسە، سونشا قيىنشىلىق بولماس دەپ ويلايمىن سولارعا. بۇل ءبىزدىڭ ەلدىگىمىز بولىپ سانالار ەدى. دۇنيە جۇزىنە ءبىز وسىنداي ماعلۇمات، مالىمەت، تاجىريبە بەرەر ەدىك!» دەپ ايتقان ەدى.