مەنىڭشە ديكتاتورلاردىڭ باستى بەلگىلەرى مىنالار:
- ديكتاتورلار - ديكتاتورلاردى جەك كورەدى. بۇل، ءبىزدىڭ قازاقتىڭ: «ەكى قوشقاردىڭ باسى ءبىر قازانعا سىيمايدى» دەگەنىندەي.
- ديكتاتور - وزىنەن باسقا ەشكىمدى جاقسى كورمەيدى.
- ديكتاتور - ەشقاشان دا «تويدىم» دەگەندى بىلمەيدى: الا بەرەدى، اساي بەرەدى.
- ديكتاتور - بارلىق جەرگە ءوز سۋرەتىن شاپتاعاندى، ءتىپتى، اقشاعا دا ءوز سۋرەتىن سالدىرعاندى، سونداي-اق، ديكتاتور - قاناتتى سوزدەر مەن ۇرانداردى ءوز اتىنان جاريالاپ وتىرعاندى جاقسى كورەدى.
- ديكتاتور - بارىپ تۇرعان قانىشەر بولىپ كەلەدى. وزىنە قارسى شىققان حالىقتى دا قىرىپ سالادى. ونىڭ كەزىندە ەلدە اباقتىلار مەن وعان توعىتىلعانداردىڭ سانى شەكتەن شىعادى.
- ديكتاتور - بارلىق ءىستى ءبىر ءوزى شەشەدى. ال، كەيىن، ورنىنان تايدىرىلعاندا، وعان جالعىز ءوزى جاۋاپ بەرگىسى كەلمەيدى.
- ديكتاتور - اينالاسىنا جەر قايىسقان جاعىمپازدار ارمياسىن جينايدى.
- ديكتاتور، ءتىپتى، قۇدايعا دا سەنبەيدى. تەك، وزىنە عانا سەنەدى.
- دكتاتور - ەلدە جەكە-دارا بيلىك ورناتادى، قارسى شىققانداردى اياماي جازالاپ وتىرادى.
- ديكتاتور – ولە-ولگەنشە ديكتاتور بولىپ قالادى. ول ەشقاشان دا ادامي قالىپقا كەلمەيدى.
- ديكتاتور - ءوزىن تۋعان ۇلتىن، ونىڭ ءدىنىن، ءتىلىن، ءداستۇرىن، ۇلتتىق قۇندىلىقتارىن جەك كورەدى...
جۇماش كوكبورى
