گرەكيانىڭ بۇرىنعى پرەزيدەنتى كونستانتينوس ستەفانوپۋلوس 90 جاستا قايتىس بولدى.
افينا اۋرۋحانالارىنىڭ بىرىندە كوز جۇمعان ونىڭ وكپەسى قابىنعان ەكەن. بۇل تۋرالى فرانس پرەسسكە سىلتەمە جاساپ ريا نوۆوستي حابارلادى.
كونستانتينوس ستەفانوپۋلوس 1926 جىلى دۇنيەگە كەلگەن. 1974-1981 جىلدارى ۇكىمەتتە ءتۇرلى مينيسترلىكتەردى باسقاردى. ءومىرىنىڭ سوڭىنا دەيىن ول ەلدەگى ەڭ قۇرمەتتى جانە تانىمال مەملەكەت باسشىلارىنىڭ ءبىرى بولدى.
ول 1995 جىلى ناۋرىز ايىندا گرەكيا پرەزيدەنتى بولىپ سايلانىپ، 2005 جىلدىڭ 12 نارۋزىنىا دەيىن تۇپ تۋرا 10 جىل ەل باسقارعان بولاتىن.
ايتا كەتسەك، بۇل ەلگە 2015 جىلى 13 ناۋرىزدان بەرى پروكوپيس پاۆلوپۋلوس پرەزيدەنت بولىپ كەلەدى.
