بريتاندىق BBC World News ەفيرىندە قازاقستان تۋرالى كەزەكتى بەينەروليك شىقتى، دەپ حابارلايدى قازاقپارات.
«جوبانىڭ ەرەكشەلىگى سول، ءبىز قازاقستاندى 19-عاسىردا ءومىر سۇرگەن بريتاندىق گەوگراف توماس اتكينسون مەن ايەلى ليۋسي اتكينسوننىڭ كوزىمەن كورە الدىق. توماس پەن ءليۋسيدىڭ تاڭعاجايىپ وقيعاسى تۋرالى انگلياداعى جانە بۇكىل الەمدەگى دوستارىم جاقسى بىلەدى. وكىنىشكە قاراي، ولاردىڭ دەنى سونداي-اق، قازىرگى قازاقستان تۋرالى بىلە بەرمەيدى. بۇل شاعىن ءفيلمدى ەڭ كەمى 444 ميلليون ادام (BBC World News تەلەارناسىنىڭ حالىقارالىق اۋديتورياسى) كورىپ، قازاقستانعا قىزىعۋشىلىق تانىتادى دەگەن ۇمىتەمىز»، - دەپ جازعان ءوزىنىڭ Facebook پاراقشاسىنا BBC Worldwide كوممەرسيالىق وكىلدىگىنىڭ باسشىسى سەرگەي ستانوۆكين.
ەسكە سالا كەتسەك، بيىلعى شىلدە-قىركۇيەك ايلارىندا BBC World News الماتى تۋرالى جارنامالىق روليكتەر كورسەتكەن ەدى.
