قازاقستان پرەزيدەنتى نۇرسۇلتان نازاربايەۆ بيزنەسكە جاسالعان قاستاندىقتار جايلى ايتتى، - دەپ حابارلايدى Tengrinews.kz. مەملەكەت باسشىسى سۋديالاردىڭ VII قۇرىلتايىندا كاسىپكەرلەردىڭ قۇقىقتارىن قورعاۋ تۋرالى cءوز قوزعاعان.
"ءبىزدىڭ كونستيتۋسيمىزدا جەكە مەكەنشىك دۇنيەگە قول سۇقپاۋشىلىق تۋرالى كورسەتىلگەن بە؟ كورسەتىلگەن، ءبىراق ءبىز تاۋەلسىزدىگىمىزدىڭ ءبىرىنشى كۇنىنەن-اق كاسىپكەرلەرگە قاستاندىق جاسادىق: "ولاردا بەلگىلى ءبىر قاراجات بار، سوندىقتان دا ولار كاسىپكەرلەر بولىپ سانالادى. كاسىپكەر ءبىر دۇكەن اشتى دەلىك، دەمەك ونى ۇرى دەپ ايتۋعا بولادى. ەندى ونىڭ كوزىن جويۋ كەرەك". ادامداردا مۇنداي پسيحولوگيا راسىندا دا بولدى. ونىمەن كۇرەسىپ كەلە جاتساق تا، ول پسيحولوگيا قالمايدى. شاعىن نەمەسە ورتا بيزنەس - ەلدىڭ ەكونوميكالىق نەگىزى. وسىنى ەستە ساقتاڭىزدار. مەن ۇنەمى وسى تۋرالى ايتامىن. ونى ايتقىم كەلگەندىكتەن ەمەس، بيزنەس نارىقتىق ەكونوميكادا باستى ءرول اتقاراتىندىقتان ايتامىن"، - دەدى قازاقستان پرەزيدەنتى.
"ونىڭ بيزنەستىڭ قاي ءتۇرى ەكەنى - وندا بەس ادام نەمەسە 20 ادام جۇمىس ىستەي مە، ول ماڭىزدى ەمەس. ەگەر دە ول سالىق تولەپ جۇرسە، دەمەك ولار ءبىزدىڭ قوعامعا كەرەك. (...) ەگەر ءبىز ولاردى قولداۋ كورسەتپەيتىن بولساق، ءبىزدىڭ ەكونوميكا دامىمايدى"، - دەدى مەملەكەت باسشىسى.
