استانادا ءوتiپ جاتقان رەسپۋبليكا سۋديالارىنىڭ VII سەزى بارىسىندا پرەزيدەنت نۇرسۇلتان نازاربايەۆ جينالعان سۋديالارعا كەزiندە داۋگەرلەردi بiر اۋىز سوزبەن توقتاتقان قازاق بيلەرiنiڭ شەشەندiك سوزدەرiن وقۋعا كەڭەس بەردi ، دەپ حابارلايدى Baq.kz تiلشiسi.

«بيلەرiمiزدiڭ iستەرiن ءبارiمiز بiلەمiز. تولە بي، قازىبەك بي، ايتەكە بيدiڭ، بەر جاعىندا بۇقار جىراۋدىڭ ايتقاندارىن وقىپ وتىرىڭىزدار. ولار بiر اۋىز سوزبەن ەكi جاقتى جاقىنداستىرىپ، داۋلاردى شەشتi. سوزگە توقتاعان قازاق كەلiسiمگە كەلiپ، ايىپپۇلىن تولەدi. نەگiزiنە كەلەتiن بولساق، سودان بەرi ونشا ەشتەڭە وزگەرگەن جوق. باستىسى – ءادiلدiك. «ءادiل بيدە اعايىن جوق» دەگەن ءسوز بار. قازاقپىز عوي، اعايىنسىز، جۇراعاتسىز، جەكجاتسىز بولمايمىز. دەگەنمەن، ەلدi ءتارتiپكە كەلتiرۋ كەرەك»، - دەدi مەملەكەت باسشىسى.

ەلباسى اتاپ وتكەندەي، مەملەكەت سوتتاردى قولداپ، سۋديالاردى قورعاۋ كەرەك، ال ولار ءوز شارۋاسىن جاقسىلاپ اتقارۋى قاجەت.

ايتا كەتەيiك، استانادا رەسپۋبليكا سۋديالارىنىڭ VII سەزى وتۋدە. ماڭىزدى جيىنعا سۋديالار كورپۋسى، پارلامەنت دەپۋتاتتارى، ورتالىق مەملەكەتتىك ورگانداردىڭ باسشىلارى، زاڭگەرلەر قاۋىمداستىعىنىڭ، حالىقارالىق ۇيىمداردىڭ، ۇكىمەتتىك ەمەس ۇيىمدار وكىلدەرى مەن الەمنىڭ 10-نان استام ەلiنەن كەلگەن ساراپشىلار - بارلىعى 600 دەلەگات قاتىسىپ جاتىر.

رەسپۋبليكا سۋديالارىنىڭ سەزi 4 جىلدا ءبىر رەت وتەدى. تاۋەلسىزدىك جىلدارى iشiندە التى سەزد (العاشقىسى 1996 جىلى) ءوتتى. ماڭىزدى جيىن سوت جۇيەسىنىڭ دامۋى ءۇشىن ايرىقشا ستراتەگيالىق مانگە يە. ولاردىڭ اربىرىندە سوتتار دامۋىنىڭ قورىتىندىسى شىعارىلىپ، وزەكتى ماسەلەلەر بويىنشا شەشىمدەر قابىلدانادى.