قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ وكىمىمەن داۋلەت ەدىل ۇلى ەرعوجين قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى قىزمەتىنە تاعايىندالدى.

اقوردانىڭ باسپا ءسوز قىزمەتى حابارلاعانداي، مەملەكەت باسشىسىنىڭ وكىمىمەن قابدىلكارىم راتاي ۇلى ءابدىقازىموۆ قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ورىنباسارى قىزمەتىنەن بوساتىلدى.

داۋلەت ەدىل ۇلى 1979 جىلى 26 ساۋىردە الماتى قالاسىندا تۋعان.

قازاق مەملەكەتتىك باسقارۋ اكادەمياسىن (1998) «ەكونوميكا جانە مەنەدجمەنت» ماماندىعى بويىنشا؛ ەكونوميكا جانە قۇقىق ۋنيۆەرسيتەتىن (2001) «قۇقىقتانۋ» ماماندىعى بويىنشا؛ زيگسوىك (2003) ىسكەرلىك اكىمشىلەندىرۋ ماگيسترى ماماندىعى بويىنشا بىتىرگەن.

1998 جىلدان - «قازترانسويل» ۇك» اق كليرينگ دەپارتامەنتىنىڭ مامانى بولعان.

2003 جىلدان - «قازمۇنايگاز» ۇك» اق سولتۇستىك كاسپيي جوباسى دەپارتامەنتى ديرەكتورىنىڭ ورىنباسارى.

2005 جىلدان - «قازمۇنايتەڭىز» ۇك» اق  ەكونوميكا جانە قارجى جونىندەگى باس ديرەكتوردىڭ ورىنباسارى.

2006 جىلدىڭ مامىرىنان - ق ر پرەمەر-مينيسترى ورىنباسارىنىڭ كەڭەسشىسى - ق ر ەكونوميكا جانە بيۋدجەتتىك جوسپارلاۋ ءمينيسترى كەڭەسشىسى.

2007 جىلدان - ق ر قارجى ۆيسە-مينيسترى.

2008 - 2014 جىل ارالىعىندا ق ر قارجى مينيسترلىگى سالىق كوميتەتىنىڭ ءتوراعاسى بولدى.

2014 جىلدىڭ تامىزىنان ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى بولىپ قىزمەت ەتتى.   ۇيلەنگەن. جۇبايى بار، ەكى ۇل، ەكى قىزدىڭ اكەسى.