نۇرسۇلتان نازاربايەۆقا ۆيدەو سالەم جولداعان ءبۇلدىرشىننىڭ بەينەجازباسى عالامتوردا تارادى، دەپ حابارلايدى Baq.kz.
ول پاۆلودار وبلىسى لەبياجى اۋدانىنا قاراستى اققۋ اۋىلىندا تۇراتىن بەس جاسار زامير رۇستەم ۇلى.
ءوز ۇندەۋىندە زامير پرەزيدەنتپەن كەزدەسكىسى كەلەتىنىن ايتقان. ءقازىر ول اققۋ اۋىلىنداعى ورتا مەكتەپتىڭ دايىندىق سىنىبىندا وقيدى. اناسى ءۇي شارۋاسىنداعى ادام بولسا، اكەسى رۇستەم جەرگىلىكتى جانار-جاعارماي ستانسياسىنىڭ باسشىسى ەكەن.
«اكەم ءسىزدىڭ مەنىمەن كەزدەسۋگە ۋاقىتىڭىز جوق دەيدى. ەگەر ۋاقىتىڭىز تابىلىپ جاتسا، سىزگە قوناققا كەلەر ەدىم»، - دەيدى زامير.
ايتا كەتەتىن بولساق، ەلباسى نازاربايەۆقا رەسپۋبليكانىڭ تۇكپىر-تۇكپىرىنەن حاتتار كەلىپ تۇرادى.
