يسپانيا چەمپيوناتىنىڭ 12-تۋرىندا «رەال» شابۋىلشىسى كريشتيانۋ رونالدۋ مەن "اتلەتيكونىڭ" جارتىلاي قورعاۋشىسى كوكە اراسىندا بولعان كەلىسپەۋشىلىك جۋرناليستەردىڭ نازارىن اۋدارتتى، دەپ حابارلايدى قازاقپارات Gazeta.ru-عا سىلتەمە جاساپ.

جەرگىلىكتى باق-تىڭ حابارلاۋىنشا، كيىم اۋىستىرۋ بولمەسىندە رونالدۋ كوماندالاس جولداستارىنا كوكەمەن بولعان ءسوز تالاسى تۋرالى ايتقان. كوكە اتاقتى پورتۋگاليالىقتى «گەي» دەپ اتاعان، دەپ حابارلايدى يسپاندىق COPE راديوستانسياسى. رونالدۋ ونىڭ ءسوزىن راستاپ: «ءيا، مەن گەيمىن، ەسەسىنە وتە بايمىن»، - دەپ جاۋاپ بەرگەن. ايتا كەتەيىك، قاراشا ايىنىڭ باسىندا «رەالدىڭ» رونالدۋعا اي سايىن 2 ميلليون ەۋرو تولەيتىنى حابارلانعان ەدى. ونىڭ الەمنىڭ سۇلۋ ايەلدەرىمەن قارىم-قاتىناستارى تۋرالى كوپ ايتىلىپ، كوپ جازىلعان ەدى. بۇل ماچتا "اتلەتيكو" "رەالدان" 0:3 ەسەبىمەن جەڭىلدى جانە ءۇش گولدى دا رونالدۋ سالعان. كوكەنىڭ رونالدۋگە شۇيلىگۋىنىڭ سەبەبى دە وسى بولۋى مۇمكىن.