قيراعان شاحتانىڭ استىنان 17 جىلدان كەيىن ءتىرى شىققان ادام الەمدى تاڭىرقاتتى،-  دەپ حابارلايدى p-i-p.me سايتىنا سىلتەمە جاساپ NUR.KZ.

وسىدان 17 جىل بۇرىن قىتايدىڭ باتىسىندا قۋاتى 7،8 باللدىق جەر سىلكىنىسى بولادى. سالدارىنان 118 جۇمىسشى قىزمەت ەتەتىن شاحتا وپىرىلىپ، سودان بەرى شاحتانىڭ قيراعان بولىگى جابىق كۇيىندە قالعان.

الايدا كەنشىلەر توبى قاراۋسىز قالعان شاحتادان كەزدەيسوق ەر ادامدى تاۋىپ العاننان سوڭ، شاحتاداعى جۇمىس قايتا جانداندى. قىتايلىق كەنشى بولسا، سول قيراپ قالعان شاحتادا 17 جىل بويى ءومىر سۇرگەن.

كەنشىلەر ءۇيىندىنىڭ اراسىنان 59 جاستاعى چۋنگ ۆايدى تاۋىپ العاندا ونىڭ جاعدايى وتە اۋىر بولاتىن. ول بىردەن جاقىن ماڭداعى اۋرۋحاناعا جەتكىزىلىپ، ءقازىر ونىڭ جاعدايى دارىگەرلەردىڭ باقىلاۋىندا.

بەلگىلى بولعانداي جەر سىلكىنىسى كەزىندە شاحتا تۋننەلىنە سۇيەۋ بولىپ تۇرعان اعاش تىرەۋلەر وپىرىلىپ قالادى. سالدارىنان ءۇيىندىنىڭ استىندا 117 ادام قالىپ قويىپ، مەرت بولادى. قايعىلى وقيعادان تەك قانا چۋنگ امان قالادى. ونىڭ ءتىرى قالعان سەبەبى، ول ۆەنتيلياسيالىق ساڭىلاۋ ارقىلى دەمالىپ جاتقان.

ابىروي بولعاندا شاحتادا ازىق-تۇلىكتىڭ مول قورى دا بولعان. سوعان قاراماستان چۋنگ ۆاي تىشقاندارمەن جانە مۇكپەن قورەكتەنگەن.

چۋنگتىڭ ءتىرى قالۋى جانە ونىڭ وسىنشاما ۋاقىت بويى ءومىر ءسۇرۋى ادام ايتسا سەنگىسىز جاعداي. ايتا كەتەيىك، مۇنداي جاعداي ادامزات تاريحىندا بۇرىن-سوڭدى بولماعان. ياعني ءۇيىندى استىندا 17 جىل بويى ءومىر ءسۇرىپ، جارىق دۇنيەنى قايتا كورۋ ءالى تاريحتا تىركەلمەگەن.