قازاقستاندا ازاماتتىق فورۋم 2003 جىلدان باستاپ  جىلىنا ەكى رەت وتكىزىلىپ وتىرادى. ازاماتتىق فورۋم – ەلىمىزدىڭ الەۋمەتتىك ومىرىندە اسا ماڭىزدى شارالاردىڭ ءبىرى.  بۇگىن ەل تاۋەلسىزدىگىنىڭ 25 جىلدىعىنا وراي الماتىدا «بولاشاعىمىز بىرلىكتە» اتتى  X ازاماتتىق فورۋم ءوتتى.

X ازاماتتىق فورۋمنىڭ ۇيىمداستىرۋشىلارى: الماتى قالاسىنىڭ ىشكى ساياسات باسقارماسى مەن قف «الماتى قالاسىنىڭ اقپاراتتىق-رەسۋرستى ورتالىعى». شارانىڭ نەگىزگى ماقساتى – ۇەۇ مەن مەلەكەتتىك مۇشەلەرىنىڭ ءوزارا ارەكەتتەتىگىن تالقىلاۋ.

وتىرىس تاقىرىبى: «الماتى قالاسىندا مەملەكەت باسشىسى ن.ءا. نازاربايەۆتىڭ بەس ينستيتۋسيونالدىق رەفورماسىن جۇزەگە اسىرۋدا ۇەۇ-دىڭ ءرولى». وسىعان وراي، الماتى قالاسىنىڭ ورىنباسارى ا.و. قىرىقبايەۆ، الماتى قالاسى قوعامدىق كەڭەسىنىڭ ءتوراعاسى، «تۇران» ۋنيۆەرسيتەتىنىڭ رەكتورى ر.ا. الشانوۆ، قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى باسشىسىنىڭ ورىنباسارى ش.ا. ءالىمحانوۆ، قازاقستان حالقى اسسامبلەياسىنىڭ مۇشەسى گ.ۆ. كانن جانە «بەرەكەلى جول» رقب پرەزيدەنتى ر.ك. بادايەۆا ءوز باياندامالارىن وقىپ، ۇسىنىس جاسادى. سونىمەن قاتار، الماتى قالاسى قوعامدىق كەڭەسىنىڭ جۇمىسىنا ۇەۇ-دىڭ قاتىسۋى، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ۇەۇ-مەن  ءوزارا ارەكەتتەستىگى، ازاماتتىق ءبىرتۇتاستىقتى قالىپتاستىرۋداعى قوعامدىق ۇيىمداردىڭ ءرولى، مەملەكەتكە ءتان ەمەس فۋنكسيالاردى باسەكەلەستىك ورتاعا بەرۋ پروسەسىنە ۇەۇ-نىڭ قاتىسۋى سياقتى وزەكتى ماسەلەلەر تالقىلاندى.

فورۋمنىڭ اياسىندا: پلەنارلىق وتىرىس، «ورلەۋ» 2016 جارمەڭكەسى مەن بايقاۋىنىڭ لاۋرەاتتارىن سالتاناتتى تۇردە ماراپاتتاۋ جانە قازاقستاننىڭ VII ازاماتتىق فورۋمىنا دەلەگاتتاردى سايلاۋ جانە ديالوگ الاڭدارىنداعى جۇمىس ءوتتى.

«الماتى قالاسىنىڭ اقپاراتتىق-رەسۋرستى ورتالىعى» قف-نىڭ ديرەكتورى التىناي كوبەيەۆانىڭ ايتۋىنشا، «الماتى قالاسىنىڭ ازاماتتىق فورۋمى ۇەۇ، ب ا ق جانە باسقا دا قوعامدىق ۇيىمدارمەن بىرلەسىپ، قالامىزدى كوركەيتۋگە، دامىتۋعا ات سالىسامىز».