وڭتۇستىك قازاقستان وبلىسىندا تۇيە ءسۇتىن وڭدەيتىن جاڭا زاۋىت سالىنباق. بۇل جوبا وسى جىلدىڭ 28-29 ساۋىرىندە وتكەن «Ontustik Invest-2016» حالىقارالىق ينۆەستيسيالىق فورۋمى اياسىندا قول قويىلعان ىنتىماقتاستىق تۋرالى مەموراندۋم شەڭبەرىندە جۇزەگە اسىپ وتىر.بۇل تۋرالى وقو اكىمدىگىنىڭ باسپا ءسوز قىزمەتى حابارلادى.
شەتەلدىك «Golden Camel Group LTD» كومپانياسى وڭىردە ينۆەستيسيا قۇنى 8 ملرد. 30 ملن. تەڭگەدەن استام قارجى بولاتىن تۇيە ءسۇتىن قايتا وڭدەۋ جولىمەن قىشقىل ءسۇت ءونىمىن وندىرەتىن كاسىپورىن سالماق. تاۋلىگىنە 100 توننا تۇيە ءسۇتىن وڭدەۋگە قاۋقارلى ءوندىرىستىڭ قۇرىلىسى قاراشا ايىندا باستالاتىن بولادى.
تۇركىستان قالاسىندا بوي كوتەرەتىن بۇل زاۋىت ىسكە قوسىلعاندا 180 ادام جۇمىس ورنىمەن قامتىلادى. جاڭا زاۆودتىڭ ءونىمى قازاقستاننىڭ باسقا وڭىرلەرىنىڭ نارىقتارى مەن جۇڭگو مەملەكەتى جانە كەدەن وداعى ەلدەرىنە ەكسپورتتاۋ كوزدەلۋدە.
ايتا كەتەيىك، حالىقارالىق ينۆەستيسيالىق فورۋمى اياسىندا وقو اكىمدىگى مەن شەتەلدىك جانە وتاندىق كومپانيالار وكىلدەرى اراسىندا قۇنى 2،5 ملرد. اقش دوللارى بولاتىن 40-تان استام ىنتىماقتاستىق مەموراندۋمىنا قول قويىلعان بولاتىن.
بۇگىندە اتالعان جوبالار كەزەڭ-كەزەڭىمەن ىسكە اسىرىلۋ باعىتىندا ءبىرقاتار جۇمىستار اتقارىلۋدا. بۇل ءوز كەزىندە وبلىسىمىزدىڭ الەۋمەتتىك-ەكونوميكالىق دامۋىنا سەرپىلىس بەرەتىنى انىق.
