وڭتۇستىك قازاقستان وبلىسى جىلىجاي سالۋدان قازاقستان بويىنشا ءبىرىنشى ورىندا كەلەدى. وڭىردەگى  جىلىجايلاردىڭ جالپى اۋدانى بۇگىنگى تاڭدا 1025 گەكتاردى قۇراپ وتىر، بۇل ەلىمىزدىڭ بارلىق جىلىجاي شارۋاشىلىقتارىنىڭ 87%-ىن قۇرايدى.  جىلىجاي  سالاسىنىڭ دامۋى وسى ءوڭىردىڭ الەۋمەتتىك-ەكونوميكالىق دامۋىنىڭ نەگىزگى فاكتورى بولىپ تابىلادى، سەبەبى وبلىس حالقىنىڭ جارتىسىنان كوبى (55%) اۋىلدى جەرلەردە تۇرادى. اۋىل شارۋاشىلىعى ءوندىرىسىنىڭ ۇلەسى جالپى ەلىمىز بويىنشا 12،5% قۇرايدى جانە ەكىنشى ورىنعا يە. وڭتۇستىك وڭىردە سۋارمالى جەردىڭ اۋدانى 440 مىڭ گەكتارعا جەتتى، ەگىس القابىنىڭ جالپى اۋدانى 773  مىڭ گەكتاردى قۇرايدى. 

    وڭتۇستىكتىڭ جىلىجايلار مەكەنى اتانۋىنا "ۇدەمەلى يندۋستريالىق-يننوۆاسيالىق دامىتۋدىڭ 2015-2019 جىلدارعا ارنالعان دامۋ" باعدارلاماسىنىڭ ۇلەسى زور. جوبانىڭ "اگروبيزنەس - 2020"، "جىلىجاي" باعدارلامالارى ارقىلى نەسيە الىپ، جىلىجايمەن اينالىسىپ وتىرعان كاسىپكەرلەر جەتەرلىك. سونىڭ ءبىرى قاجىمۇقان تۇياقوۆ. جىلىجاي قوجايىنى  سارىاعاش قالاسىنىڭ كاسىپكەرلەر پالاتاسىنان ءوز بيزنەسىن كەڭەيتۋ بويىنشا كەڭەس الادى. سالا ماماندارى جان-جاقتى كەڭەس بەرە وتىرىپ، كاسىپكەردىڭ جوباسىنا قولداۋ كورسەتكەن. وسىلايشا، ول مامىر ايىندا «سارىعاش نەسيە» نەسيە سەرىكتەستىگىنەن ون ميلليون تەڭگەنى نەسيەگە الىپ، ءوزىنىڭ بيزنەسىن كەڭەيتتى. جالپى، كاسىپكەر ءوز جىلىجايىن 2010 جىلى اشقان، ول 50 سوتىق جەردى الىپ جاتىر. ال، قۋاتتىلىعى جىلىنا ءبىر توننا كوكەنىس ءونىمىن بەرۋگە جەتەدى. مۇندا سەگىز ادام ەڭبەك ەتۋدە. «اگروبيزنەس-2020» مەملەكەتتىك باعدارلاماسى اياسىندا نەسيە الىپ جىلىجاي كەڭەيتىلدى جانە تاعى ءۇش ادام جۇمىسپەن قامتىلدى»، دەدى كاسىپكەر. ايتا كەتەرلىك جايت، كاسىپكەر «ىسكەرلىك بايلانىستار» جوباسى اياسىندا ءوز ءبىلىمىن جەتىلدىردى. مۇندا شەتەلدىك ارىپتەستەرمەن بايلانىس ورناتۋ ءۇشىن گەرمانيادا تاقىرىپتىق بيزنەس-تاجىريبەدەن ءوتۋ قاراستىرىلعان.

rgmedia.kz