وسكەمەننىڭ ورتالىعىنداعى اسپالى كوپىر قۇلاپ ءتۇستى. وقىس وقيعا كەزىندە كوپىر ۇستىندە 6 ادام بولعان.

بۇل تۋرالى Stan.kz  حابارلايدى.

كوپىر ۇستىندە بولعان ادامداردىڭ ەشقايسىسى سۋعا قۇلاپ كەتپەگەن. كوپىردە جوندەۋ جۇمىستارى ءجۇرىپ جاتقان. دەمونتاج كەزىندە توتەنشە وقيعا ورىن الىپ، كوپىردىڭ ەكىنشى بولىگى جوعارى كوتەرىلىپ كەتكەن.

وقيعا ورىنىندا بولعان ءتورت جۇمىسشى تومەنگە قۇلاپ كەتكەن. ال ەكەۋى جوعارىدا قالىپ قويعان.

“كۋاگەرلەر بىزگە بەس زارداپ شەگۋشى تۋرالى حابارلادى. الايدا وقيعا ورىنىنا جەتكەن قۇتقارۋشىلار بۇل اقپاراتتى راستامادى. ادامدار تومەنگە قۇلاعان. ءقازىر ءبارى قۇتقارىلدى. ولاردىڭ بىرەۋى اياعىن جاراقاتتاپ الىپتى، قالعاندارى زارداپ شەكپەگەن”، – دەپ حابارلادى وبلىستىق تجد باسپا ءسوز حاتشىسى اناستاسيا سكليار.

قالالىق تۇرعىن ءۇي كوممۋنالدىق شارۋاشىلىعى ءبولىمىنىڭ حابارلاۋىنشا، تىرەۋىشتەردىڭ ءبىرى اپاتتى جاعدايدا تۇرعاندىقتان كوپىر سىر بەرگەن.

ەرتىس كوپىرى وسكەمەندە 1970 جىلى تۇرعىزىلعان. ءقازىر وعان كۇردەلى جوندەۋ جۇمىستارى جاسالۋدا.