پروديۋسەر ءقىدىرالى بولمانوۆ العاش رەت جۇرتتان جاسىرعان قۇپياسىن ءبولىستى. ول قاراقاتتان توقال الىپ بەرەتىندىگىن جازۋدى ءوزى سۇراعان ەكەن. الايدا بۇعان وتباسىنداعى كەلەڭسىزدىكتەر ەمەس، بارشا قازاقستاندىقتىڭ تاعدىرى سەبەپشى بولعان-دى، – دەپ جازادى “ۆرەميا” باسىلىمىنىڭ ءجۋرناليسى وكسانا ۆاسيلەنكو.

سوڭعى بىرنەشە ايدا جۇرت قاراقات پەن ءقىدىرالىنىڭ جەكە ءومىرىن تالقىعا سالدى. كوپكە ۇلگى بولعان وتباسىندا توقال تۋرالى اڭگىمە ءبىرىنشى رەت كوتەرىلدى. اتالعان تاقىرىپتىڭ كوپتىڭ اۋزىندا جۇرۋىنە انشىلەردىڭ وزدەرى سەبەپشى بولدى. باستاپقىدا قاراقات كۇيەۋىنە توقال الىپ بەرەتىندىگى، كەيىن ءقىدىرالىنىڭ بايبىشەسى تۋرالى شىندىق ايتىلدى. بارلىعىنىڭ سەبەبىن ءقىدىرالىنىڭ ءوزى اشىپ ايتىپ بەردى.

“قاراقاتتىڭ ماعان توقال الىپ بەرەتىندىگى – تازا ماركەتينگتىك تريۋك بولدى. ونى مەن امالسىزدان ويلاپ تاپتىم. مۇنداي قادامعا ومىرىمدە ءبىرىنشى رەت باردىم. مەن بارىمدى بايگەگە تىگىپ، ادامداردىڭ نازارىن باسقا ارناعا اۋدارماق بولدىم. بۇل 19 مامىر كەزى بولاتىن. مەملەكەتىمىز قيىن كۇندەردى باسىنان كەشىرۋگە ازاق-اق قالعان-دى”، – دەيدى ءقىدىرالى.

ءانشى بۇل تاقىرىپتا كوتەرۋلەرىنە جەر ماسەلەسى سەبەپشى بولعانىن ايتتى. ياعني ولار وسىلايشا كوتەرىلىستى بولدىرماي قويۋعا تىرىسقان.

“مەن جەلتوقسان وقيعاسىنا قاتىسقان ادام رەتىندە جاستاردىڭ الاڭعا شىعۋىن ءۇشىنشى تاراپتىڭ پايدالانىپ كەتۋى مۇمكىن ەكەنىن ءتۇسىندىم. ولارعا ءبىر بوتەلكە كەروسين لاقتىرسا دا جەتكىلىكتى… شىندىعىندا، سيتۋاسيا وتە قورقىنىشتى بولدى. مەن ارنايى الماتىعا ۇشىپ كەلىپ، ارىپتەستەرىممەن، اعالارىممەن، باۋىرلارىممەن اقىلداستىم. وسى ۋاقىتتا ادامدار ماعان “نە ىستەيمىز؟ الاڭعا شىعامىز با؟ جوق پا؟” دەگەن ساۋال قويدى. وتانى ءۇشىن ءومىرىن قيۋعا دايىن ادام رەتىندە مەن بىرنارسە ايتۋىم كەرەك بولدى. مەن قاتتى قينالدىم.

شاراسىزدىقتان وتىرىپ كوزىمە جاس العانىمدى قاراقات قانا كوردى. مەن قاراقاتقا “توقال تۋرالى جاز!” دەدىم. ول باسىندا تۇسىنبەي قالدى. ارتىنشا وعان جاعدايدى ءتۇسىندىرىپ، كوپشىلىكتىڭ ءبىزدى ۇلگىلى وتباسى رەتىندە بىلەتىنىن، ءبىزدىڭ وتباسىمىزداعى “كەلەڭسىزدىكتەر” كوپكە قىزىق بولاتىنى تۋرالى ايتتىم. “باستاپقىدا قيىن بولاتىنى ءسوزسىز. ءبىراق ءبىز شىداپ باعامىز” دەدىم وعان. جاستار كوتەرىلىسكە شىقپادى. الەۋمەتتىك جەلىدە بارلىعى توقال تاقىرىبىن تالقىلادى. سولاي ەمەس پە؟” – دەيدى پروديۋسەر.

دەرەككوز: stan.kz