ەراسىل اۋباكىروۆتىڭ ءولىمى جايلى وقيعا عالامتوردى تاعى شۋلاتتى. بۇل جولى جەلىگە ونىڭ جۇكسالعىشتا جاتقان ءمايىتىن العاش اڭعارعان ءسات تاراپ كەتكەن. بۇل ۆيدەو قالاداعى كولىك جۋۋ بەكەتتەرىنىڭ ءبىرىنىڭ باقىلاۋ كامەراسىنا جازىلىپ قالعان دەپ حابارلايدى baq.kz.
جاس جىگىتتىڭ ءمايىتى ايان مەيىربايەۆتىڭ اپكەسى ايىمنىڭ كولىگىنىڭ ىشىندە جاتقان. تەرگەۋ مالىمەتتەرىنە سايكەس، كەلىنشەك سول ساتتە كولىگىندە «قورقىنىشتى جۇك» جاتقانىن استە بىلمەگەن. ەشتەڭەنى سەزبەستەن ىنىسىنەن Lexus LX570 كولىگىن العان كۇيى كولىك جۋۋ بەكەتىنە ايالداعان.
ۆيدەودان بايقاعانىمىزداي، كولىك جۋۋشى ارتقى جۇك سالعىشتا جاتقان ءمايىتتى كورىپ، قاتتى شوشىپ كەتەدى. ايىمنىڭ دا ەسى شىققانى سونشالىق، كولىككە قايتا وتىرۋعا مۇرشاسى كەلمەي، كولىك جۋاتىن ورىننان ءدجيپتى ءمايىتتى تاپقان جىگىت ايداپ شىعارادى.
ارينە، ۆيدەونى كورىپ، قاندى قىلمىستى اڭعارسا دا ءۇنسىز قالعان كولىك جۋۋشىنىڭ ارەكەتى تاڭعالدىرادى. نەگە قۇقىق قورعاۋ ورگاندارىنا حابار بەرمەدى ەكەن دەگەن سۇراق تۋىندايدى.
ايتا كەتۋ كەرەك، ايىم مەيىربايەۆا قايتىس بولعان ستۋدەنتتىڭ ءمايىتىن قالا سىرتىنا شىعارىپ تاستاعانى ءۇشىن جاۋاپكەرشىلىككە تارتىلعان جوق. ال ءمايىتتى كومۋگە كومەكتەسكەن ەكى ازاماتقا قاتىستى تەرگەۋ ءىسى ءالى جالعاسىپ جاتىر.
