بيىل قازاقستاننىڭ تاۋەلسىزدىك العانىنا 25 جىل تولدى. ايتۋلى داتاعا وراي ق ر پرەزيدەنتى نۇرسۇلتان نازاربايەۆ راقىمشىلىق جاريالاۋ تۋرالى زاڭ جوباسىن ۇسىنىپ، مەملەكەتتىك قىزمەتكەرلەرگە قارجىلىق سىياقى بەرۋگە تاپسىرما بەردى. بۇدان بولەك ەل كولەمىندە ءتۇرلى ءىس-شارالار، مەرەكەلىك كونسەرتتەر وتكىزىلەدى. ال قازاقستاندىقتار تاۋەلسىزدىك كۇنىن قالاي اتاپ وتەتىنىن ءبىلۋ ءۇشىن بىرنەشە مادەني ورتالىققا حابارلاسىپ، قازاقستاندىقتاردىڭ اراسىندا ساۋالناما جۇرگىزدىك.

يۋليا پاك، زەينەتكەر: «مەن كوپ قاباتتى ۇيدە تۇرامىن. وسى جىلى تاۋەلسىزدىك كۇنىنە وراي ادەتتەگىدەي اۋلادا داستارحان جايامىز. بۇل ءبىزدىڭ ءۇيدىڭ اقساقالدارى ءۇشىن جىلداعى داستۇرگە اينالعان. بارلىعىن ءوزىم ۇيىمداستىرىپ جاتىرمىن. اقشا جينامايمىز. كىم نە الىپ كەلە الادى، سونى ۇستەلگە قويامىز. 16 جەلتوقساندا قايتىس بولعانداردىڭ قۇرمەتىنە بىر-ەكى ستاقان ءىشىپ قوياتىنىمىز دا بار. ءبىر جاعىنان باس قوسۋعا تاعى ءبىر سەبەپ».

ۆاسيليي،  مەنەدجەر: «تاۋەلسىزدىك كۇنىنە وراي ءتورت كۇن دەمالىس بەرىلەدى. وسى دەمالىستى ەشتەڭكە ىستەمەي، ۇيدە جاتامىن. سوڭعى ءبىر ايدا جۇمىس قاربالاس بولعاندىقتان، ۇيقىنى قاندىرىپ، دەمالۋعا تاماشا مۇمكىندىك تۋىنداپ تۇر».

تامارا، زەينەتكەر: «مەن ءۇشىن 16 جەلتوقساننىڭ باسقا كۇندەردەن ەش ايىرماشىلىعى جوق. زەينەتكەر بولعاندىقتان، كوپ ۋاقىتىم ۇيدە وتەدى. تاۋەلسىزدىك مەرەكەسىندە دە ۇيدە بولامىن. ادەتتەگى داستارحان، ادەتتەگى كۇن».

ارمان، ستۋدەنت: «مەن جاتاقحانادا تۇرامىن. سوندىقتان، دەمالىس بولسا قۋانا-قۋانا ۇيگە بارامىن. ۇيدە وتكىزگەن ءاربىر كۇنىم مەن ءۇشىن مەيرام».

گۋزەليا، ەسەپشى: ايەل ادام ءۇشىن مەيراماردىڭ قۇرمەتىنە بەرىلەتىن دەمالىس – دەمالۋعا ەمەس، ۇيدەگى جينالىپ قالعان شارۋالاردى اياقتاۋ ءۇشىن قاجەت سەكىلدى. سوندىقتان، تاۋەلسىزدىك كۇنىن ەرەكشە اتاپ وتەمىن دەپ ايتا المايمىن. 4 كۇن دەمالىستا ءۇي شارۋاسىمەن اينالىسامىن. ال جۇمىس باستان اسادى». 

ليليا ستاروۆا، مەدبيكە: «مەن ءوزىمنىڭ نەگىزگى جۇمىسىمنان بولەك، ۋاقىتىم بولعاندا جەلىلىك ماركەتينگپەن اينالىسامىن. تاۋەلسىزدىك كۇنىنە وراي بەرىلەتىن 4 كۇندى ماكسيمالدى تۇردە پايدالانعىم كەلەدى. الماتىداعى ءىرى ساۋدا ورتالىقتارىنداعى بۋتيكتەردى ارالاپ، تاۋار ۇسىنامىن. مەنىمەن ارىپتەس بولۋعا ۇگىتتەيمىن. جەلىلىك ماركەتينگپەن اينالىساتىندار مەنى تۇسىنەدى. سوندىقتان مەيرامدا دەمالمايمىن».

يگور، ستۋدەنت: «مەنىڭ ويىمشا، قازاقستاندا تاۋەلسىزدىك مەرەكەسىن كوپ ەشكىم تويلامايدى. بۇل ارينە ۇلكەن مەرەكە. دەسەك تە، ول جاڭا جىلدىڭ تاساسىندا قالىپ قالادى. ماسەلەن مەن جاڭا جىلعا دايىندىعىمدى باستاپ كەتتىم. قايدا، كىممەن وتكىزەتىنىمدى كازىردەن باستاپ ويلاپ ءجۇرمىن. ال 16 جەلتوقسان ادەتتەگى دەمالىس سەكىلدى ءوتىپ كەتەدى

تۇرسىناي يسمايلوۆا، يسلام مەملەكەتى يراننىڭ قازاقستانداعى وكىلدىگىنىڭ قىزمەتكەرى: «تاۋەلسىزدىك كۇنىنە وراي ءبىزدى بىرنەشە كونفەرەنسيالارعا شاقىردى. ماسەلەن، جاقىندا ءال-فارابي اتىنداعى قازۇۋ تاۋەلسىزدىك كۇنىنە وراي ۇيىمداستىرىلعان كونفەرەنسياسىنا باردىق. ستۋدەنت جاستاردى مەرەكەمەن قۇتتىقتاپ قايتتىق. ەندى اباي اتىنداعى قازۇپۋ-دا دا وتپەك. سوعان بارامىز. ال ورتالىق ەشتەڭكە ۇيىمداستىرمادى. جىلدا ەرەكشە ءىس-شارا جاسايمىز دەپ ايتا المايمىن. سەبەبى وعان قاراجات بولىنبەيدى».

گولدبەرگ مايسەي، «الەف» ەۆرەي مادەني ورتالىعىنىڭ ءتوراعاسى: «ءبىزدىڭ ورتالىق تاۋەلسىزدىك كۇنىنە وراي استانانىڭ شالعاي اۋداندارىندا كونسەرت وتكىزدى. قالا ورتالىقتارىنا كەلۋگە كوبىنە مۇمكىندىكتەرى بولا بەرمەيتىن اۋداندارعا مادەني دەمالىس ۇيىمداستىرىپ بەردىك».

ءادىل ليان، تەلەجۇرگىزۋشى: وسى جىلى تاۋەلسىزدىك مەرەكەسىن وتباسىمەن بىرگە، قالا سىرتىنداعى ۇيدە وتكىزبەكشىمىن. مەن جىلدا بۇل مەرەكەنى دۇركىرەتىپ اتاپ وتەمىن. شەت ەلدە جۇرگەندە دە تاۋەلسىزدىك مەرەكەسىن ۇمىتپايتىن. ماسەلەن، لوندوندا جۇرگەندە، تاۋەلسىزدىك كۇنىن شەت ەلدىك دوستارىممەن بىرگە اتاپ ءوتتىم. ولاردى قازاقستاننىڭ مادەنيەتىمەن تانىستىرىپ، تاريحى تۋرالى ايتىپ بەردىم. ال وسى جىلى تاۋەلسىزدىك مەرەكەسىن ەلىمىزدە ەمەس، ىستىق ايماقتا، جاعالاۋدا وتكىزگىم كەلەدى. الايدا بۇل ارمانىم بيىل ورىندالمايتىن سياقتى».

پەتر سۆويك، ساياساتتانۋشى: مەن جىلدا سەرىكتەستەرىممەن بىرگە الاڭعا بارىپ، گۇل شوقتارىن قوياتىنمىن. وسى جىلى مەرەكەنى وزگەشە اتاپ وتپەكپىن. جاقىندا مەنى استانادا  تاۋەلسىزدىك كۇنىنە وراي ۇيىمداستىرىلىپ جاتقان مەرەكەلىك ءىس-شاراعا شاقىردى. قۋانا-قۋانا  بارامىن.

الەكسەي چجەن، Kazakhstan Fashion Week ديرەكتورى: مەرەكە كۇندەرى رەسپۋبليكا سارايىنىڭ جانىندا قازاقستاننىڭ ۇزدىك ديزاينەرلەرىنىڭ ەڭبەكتەرى كورسەتىلەدى. بۇل تاۋەلسىزدىگىمىزگە 25 جىل تولۋىنا وراي ۇيىمداستىرىلىپ جاتقان ءىس-شارا. وندا 25 جىل ىشىندە، ءسان الەمىندە قانداي جەتىستىكتەرىمىز جونىندە ايتىلادى، كونكۋرستار ۇيىمداستىرىلادى. وسى مەرەكەلىك شارانىڭ ۇيىمداستىرۋشىسى رەتىندە، تاۋەلسىزدىك كۇنى جۇمىستا بولامىن.

ديلمۋرات باحاروۆ، «دەرۆيشي» توبىنىڭ ءانشىسى: وتباسىمىزبەن 16 جەلتوقساندا اۋىلعا تۋىستارىمىزعا بارامىز دەپ جوسپارلاپ قويعانبىز. سەبەبى وسى جىلى ەشقانداي مەرەكەلىك كونسەرتكە شاقىرتۋ جوق. مەرەكەنى جۇمىستا، ساحنادا قارسى العان وزىمە ۇنايدى.

ءانشى ديلناز احمادييەۆاعا دا قوڭىراۋ شالعان ەدىك. مەنەدجەرى الەۋمەتتىك جەلىگە حات جازۋىمىزدى سۇرادى. رەسمي حات جولداندى. الايدا انشىدەن ەشقانداي جاۋاپ كەلمەدى.

                                                                                                                                                                       ساۋالنامانى جۇرگىزگەن: اسەم المۇحانبەت