ساۋالناماعا قاتىسقان رەسەيلىكتەردىڭ جارتىسى، كەڭەس ۇكىمەتىندە بولعان ەلدەردىڭ ىشىندە قازاقستاندى جەتىستىكتەرى مول ەل دەپ سانايدى. سوڭعى جىلدارى بۇلاي ويلايتىنداردىڭ قاتارى ءۇش ەسەگە كوبەيىپ كەلەدى دەپ حابارلايدى eadaily.com. بۇل تۋرالى بۇكىل رەسەيلىك قوعام پىكىرىن زەرتتەيتىن ورتالىق ديرەكتورى ۆالەريي فەدوروۆ 9 جەلتوقساندا قازاقستاننىڭ تاۋەلسىزدىگىنە 25 جىل تولۋىنا وراي ۇيىمداستىرىلعان حالىقارالىق عىلىمي-تاجىربيەلىك كونفەرەنسيادا «قازاقستان رەسەيلىكتەردىڭ كوزىمەن: جەتىستىكتەرى، ماسەلەلەرى، مۇمكىندىكتەرى» بايانداماسىندا ايتتى. اتالمىش كونفەرەنسيا م.لومونوسوۆ اتىنداعى ممۋ ازيا مەن افريكا ەلدەرى ينستيتۋتىندا  رەسەيدەگى قازاقستاننىڭ ەلشىلىگىنىڭ ۇيىمداستىرۋىمەن ءوتتى.

باياندامادا رەسەيلىكتەردىڭ سوڭعى بەس جىلداعى قازاقستانعا دەگەن قارىم-قاتىناسى تۋرالى ايتىلدى. رەسپوندەنتتەردىڭ 53% قازاقستاندى رەسەيدىڭ سەنىمدى سەرىكتەسى دەپ سانايدى.

رەسەي ازاماتتارىنىڭ قازاقستان پرەزيدەنتى نۇرسۇلتان نازاربايەۆقا دەگەن سەنىمى دە ارتىپ كەلەدى. رەيتينگتىڭ پايىزدىق كورسەتكىشى – 32 دەن 45%. ينتەگراسيالىق پروسەسستىڭ باعامى بويىنشا رەسەيلىكتەردىڭ 57% بەلورۋسسيامەن ارىپتەستىك قارىم-قاتىناس ورناتۋدى دۇرىس دەپ ساناسا، قازاقستاندى - 47% رەسەيلىك قولدادى.

«رەسەيلىكتەر كىمدى باۋىرلاس ەل دەپ سانايدى؟» دەگەن ساۋالدىڭ جاۋابى تاڭ قالدىردى. رەيتينگتەگى ۇشتىكتە سلاۆياندىق ەمەس ۇلتتاردىڭ قاتارىندا تەك قازاقتار بولعان.

«قازاقستان مەن رەسەي تەك مەملەكەتارالىق رەسمي قارىم-قاتىناستا ەمەس، حالىق، ۇلت، ادامدار اراسىنداعى بەرىك پلاتفورمادا نەگىزدەلەدى» دەپ ايتتى ۆالەريي فەدوروۆ.