سايرام اۋدانىندا  «گۇلجاميلا» شارۋا قوجالىعىندا  مال شارۋاشىلىعىن دامىتۋ بويىنشا كوكەيكەستى ماسەلەلەر قوزعالعان سەمينار وتكىزىلدى.

ءوڭتۇستiك-باتىس مال جانە ءوسiمدiك شارۋاشىلىعى عىلىمي-زەرتتەۋ ينستيتۋتىنىڭ عالىمدارى وتكىزگەن سەمينار ءوڭىردىڭ وزىندىك ەرەكشەلىگىن دە نازارعا الىپ، ۇسىنىس-پىكىرلەرىن ورتاعا سالدى.  وندا ماماندار پايدالى مال ازىعى تاقىرىبىندا ماسەلە كوتەردi.

جيىندا ءسوز العان اۋىل شارۋاشىلىعى عىلىمدارىنىڭ دوكتورى جارىلقاسىن كۇزەمباي ۇلى مالدى قوڭداۋدىڭ ءتۇرلi ءتاسiلدەرi بويىنشا ۇزاق جىل عىلىمي-زەرتتەۋ جۇمىستارىمەن اينالىسقانىن ءسوز ەتىپ، بۇل ورايدا بۇگىنگى زامانعا لايىق جولدارىن العا تارتتى. ناتيجەسiندە بايىتىلعان جەمدiك كونسەنترات العان. ونىمەن ازىقتانعان iرi قارا مالدىڭ سالماعى ورتا ەسەپپەن 1 ءتاۋلiكتە  800 گرامعا ارتىپ وتىرعان. بۇل بۇعان قوسا ەشقانداي زياندىعى جوق دۇنيە. ءسۇتiنiڭ ورتاشا مايلىلىعى 3،88، اقۋىزىنىڭ ورتاشا مولشەرi 3،24 پايىزعا جەتكەن. سونىمەن قاتار، قىلشىق ءجۇندi قوي تۇقىمدارىنىڭ ەتكە ارنالعان ساۋلىقتارىنىڭ تiرiلەي سالماعى ءتاۋلiگiنە 100-113،3 گرامعا كوبەيگەن ەكەن. بۇل ارينە، بۇرىن سوڭدى بولماعان ۇلكەن وقيعا دەپ ايتۋعا تولىق نەگىز بار.

         سەمينار سوڭىندا ماماندار وتاندىق عالىمدار ويلاپ تاپقان جاڭالىقتاردى مال شارۋاشىلىعىنا ەنگiزۋ ءجونiندە شارۋالارمەن پiكiر ءبولiستi. ارينە، مۇنداي جاڭالىقتاردى وندىرىسكە بىرتىندەپ ەنگىزۋ ورىندى بولاتىنى انىق.

جانار ءالىمقۇل