قازاقستان رەسپۋبليكاسىنىڭ پرەزيدەنتىنىڭ 2016 جىلعى 29 قاراشاداعى جارلىعى بويىنشا "قازاقستان رەسپۋبليكاسىنىڭ تاۋەلسىزدىگىنە 25 جىل" مەرەكەلىك مەدالىمەن ءبىرقاتار قايراتكەرلەر ماراپاتتالدى. ولاردىڭ قاتارىندا:
الماتى وبلىستىق «جەتىسۋ» تەلەارناسىنىڭ باس ديرەكتورى بەيسەن قۇرانبەك «ەرەن ەڭبەگى ءۇشىن» ماراپاتتالدى.
بەيسەن قۇرانبەك - ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى. ەڭبەك جولىن رەسپۋبليكالىق «سپورت» گازەتىندە ءتىلشى، جاۋاپتى حاتشى قىزمەتتەرىنەن باستاعان. ال قالعان جىلدارىن قازاق تەليەۆيدەنيەسىمەن بايلانىستىرىپ، «راحات»، «31-ارنا»، «حابار»، پرەزيدەنت تەلەراديوكەشەنىندە قىزمەت اتقارعان. 2007-2012 جىلدارى الماتى وبلىستىق «جەتىسۋ» تەلەارناسىنىڭ باس ديرەكتورى بولدى. 2013 جىلدان «قازاقستان» تەلەارناسىنداعى جالپاق جۇرتقا تانىمال «ايتۋعا وڭاي» الەۋمەتتىك-تۇرمىستىق توك-شوۋىنىڭ جۇرگىزۋشىسى. 2014 جىلدىڭ قازان ايىندا الماتى وبلىستىق «جەتىسۋ» تەلەارناسىنىڭ باس ديرەكتورى بولىپ تاعايىندالدى. قازاقستان پرەزيدەنتى سىيلىعىنىڭ يەگەرى (2006 جىل)، ق ر مادەنيەت قايراتكەرى.
«شالقار» راديوسىنىڭ باس رەداكتورى سەرىك سەيىتمان «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالىنىڭ يەگەرى اتاندى. 2003 جىلى ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ فيلولوگيا فاكۋلتەتىن، 2008 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ ماگيستراتۋراسىن بىتىرگەن. ت.ايبەرگەنوۆ اتىنداعى سىيلىقتىڭ جانە حالىقارالىق «شابىت» فەستيۆالىنىڭ 1-دارەجەلى لاۋرەاتى. قازاقستان رەسپۋبليكاسىنىڭ پاتريوت جاستارىنا بەرىلەتىن رەسپۋبليكالىق «جاس تۇلپار» سىيلىعىنىڭ يەگەرى. «قىرسىق قىزعا قولتاڭبا» (2006 جىل)، «قازاقتىڭ قانى» (2010 جىل)، «قاراشاڭىراق» (2014 جىل)، مەملەكەتتىك تاپسىرىسپەن «دومبىرا» (2014 جىل) جىر كىتاپتارى جارىق كورگەن. قازاقستان اۆتورلار قوعامىنىڭ جانە قازاق راديوسى كوركەمدىك كەڭەسىنىڭ مۇشەسى. 2006 جىلدىڭ قاڭتارىنان قازاق راديوسىندا رەداكتور-جۇرگىزۋشى، شولۋشى، «رۋحانيات» باس رەداكسياسى باس رەداكتورىنىڭ ورىنباسارى قىزمەتتەرىن اتقارىپ كەلدى. ءقازىر «شالقار» ۇلتتىق راديوسىنىڭ باس رەداكتورى.
قازاق جۇرتىنا تانىمال ءانشى رامازان ستامعازييەۆ تە ءدال وسىنداي ماراپاتقا يە بولدى. قازاقستاننىڭ ەڭبەك سىڭىرگەن ءارتيسى (1998). ستامعازييەۆ ونەرگە بالا كەزىنەن قۇشتار بولعان. 1989 ج. الماتى ەسترادا-سيرك ۋچيليششەسىن (ق.بايبوسىنوۆ كلاسى بويىنشا) بىتىرگەن. 1989 جىلدان "قازاقكونسەرت" بىرلەستىگى قۇرامىندا ونەر كورسەتىپ ءجۇر. 1994 - 98 ج. ەسترادا-سيرك ۋچيليششەسىندە، 1999 جىلدان الماتى كونسەرۆاتورياسىندا (كازىرگى قازاق ۇلتتىق كونسەرۆاتورياسى) پەداگوگيكالىق جۇمىسپەن شۇعىلدانادى. ءا.قاشاۋبايەۆ اتىنداعى انشىلەر بايقاۋىنىڭ جەڭىمپازى.
سونىمەن قاتار المات يسادىلگە دە "قازاقستان رەسپۋبليكاسىنىڭ تاۋەلسىزدىگىنە 25 جىل" مەرەكەلىك مەدالى تابىستالدى. الماتى وبلىسى رايىمبەك اۋدانى، كەگەن اۋىلىنداعى ورىس ورتا مەكتەبىندە، اۋداندىق مۋزىكا مەكتەبىنىڭ دومبىرا سىنىبىندا وقىعان. قازمۋۇ-دىڭ جۋرناليستيكا فاكۋلتەتىن سىرتتاي بىتىرگەن. ەڭبەك جولىن №2 كەگەن ورتا مەكتەبىندە مۋزىكا ءپانى ءمۇعالىمى رەتىندە باستاعان. رەسپۋبليكالىق وقۋشىلار سارايىندا قىزمەتكەر، «الماتى اقشامى» گازەتىندە ءبولىم مەڭگەرۋشى، جاۋاپتى حاتشى، «ەلوردا» باسپاسىندا ادەبي رەداكتور، «قازاق ادەبيەتى» گازەتىندە ءبولىم مەڭگەرۋشى، قازاق-بريتان ۋنيۆەرسيتەتىنىڭ رەداكسيالىق-باسپا ءبولىمىنىڭ باس مەنەدجەرى، «قازاق راديوسى» باعدارلامالار ءبولىمىنىڭ شەف-رەداكتورى، «ادەبيەت ايدىنى» گازەتى باس رەداكتورىنىڭ ءبىرىنشى ورىنباسارى، «قازاق ۋنيۆەرسيتەتى» گازەتى باس رەداكتورىنىڭ ورىنباسارى، «جاس قازاق ءۇنى» گازەتى باس رەداكتورىنىڭ ءبىرىنشى ورىنباسارى، «قازاقستان» ۇلتتىق تەلەارناسىنىڭ جۇرگىزۋشى-رەداكتورى قىزمەتتەرىن اتقارعان. قازىرگى ۋاقىتتا رەسپۋبليكالىق «الاش ايناسى» گازەتىدە مادەنيەت ءبولىمىنىڭ رەداكتورى.
ايتىس اقىنى، تالعار اۋداندىق ءماسىليxاتىنىڭ دەپۋتاتى - ءابدىعاني ءبازىلxان. دەپۋتات ءابدىعاني وتكەندە عانا ەرمۇرات زەيىپxانۇلىنا تالعار قالاسىنان كوشە بەرۋگە مۇرىندىق بولىپ ەدى.
قامشىگەر: نازەركە لابيحان
