استانالىق وقۋشىلار مەكتەپ قابىرعاسىندا-اق دايىن مامان بولىپ شىعادى دەپ حابارلايدى qamshy.kz.

ەلوردالىق مەكتەپتەرگە ارنايى كۋرس ەنگىزبەك. 10-11 سىنىپ وقۋشىلارىن شاشتاراز، تىگىنشى، داياشى، بارمەن، بالا كۇتۋشى، حاتشى-رەفەرەنت سەكىلدى ماماندىق بويىنشا وقىتادى. تولىق كۋرستان وتكەننەن كەيىن، ارنايى سەرتيفيكات تابىس ەتىلەدى. جۇمىسپەن قامتۋ ورتالىقتارى اتى اتالعان مامان يەلەرى سۇرانىسقا يە ەكەنىن ايتادى. ءقازىر دايىندىق جۇمىستارى جۇرگىزىلىپ جاتىر.

بۇعان دەيىن مەملەكەت باسشىسى، 2017 جىلدان باستاپ جۇمىسشى ماماندىعى بويىنشا تەگىن كاسىپتىك-تەحنيكالىق ءبىلىم الۋعا بولادى دەپ مالىمدەگەن. ەلىمىزدىڭ ءبىرقاتار ورتا وقۋ ورىندارىندا كاسىپتىك-تەحنيكالىق ءبىلىم بەرىلىپ جاتىر. ولار دۋالدى ءبىلىم بەرۋ جۇيەسىمەن وقۋدا. ياعني، 30% تەوريا، 70% تاجىربيە. ستۋدەنتتەر العان ءبىلىمىن تاجىربيەمەن ۇشتاستىرادى.  تەوريالىق ءبىلىمىن ەلىمىزدىڭ كاسىپورىندارىندا ءىس جۇزىندە كورەدى.

ەلىمىزدە  مەكتەپ قابىرعاسىنان مامانداردى دايارلاۋ ءىسىن قولعا العانى قۇپتارلىق ءىس. سەبەبى قازاقستان بويىنشا جوعارىدا اتالعان سالا يەلەرى ۇلكەن سۇرانىسقا يە.

ازىرشە تەك استانا قالاسىندا جۇزەگە اسپاق. جوبا  24 مەكتەپتى قامتىيدى.

ءبىلىم سالاسىنداعى جاعىمدى جاڭالىقتاردىڭ ءتىزىمى مۇنىمەن بىتپەك ەمەس. 2017-2018 وقۋ جىلىنان باستاپ استانا قالاسىنىڭ مەكتەپتەرىنە «روبوتوتەحنيكا» ءپانى ەنگىزىلمەك. جوباعا دايىندىق جاز ايىنان باستاۋ العان. العاشقى ۋاقىتتا اتالمىش ءپاندى ينفورماتيكا ءپانىنىڭ مۇعالىمدەرى وقىتادى.  158 ينفورماتيكا ءپانىنىڭ وقىتۋشىلارى نازاربايەۆ زياتكەرلىك مەكتەبىندە ارنايى كۋرستان ءوتتى.

روبوتەحنيكا سىنىبىن جاساۋ ماقساتىندا كەرەك جابدىقتارمەن قامتاماسىز ەتۋ جوسپاردا بار.