بوستاندىققا شىققان مۇحتار ءابىلازوۆ 2005 جىلى قىرعىزستانداعى ريەۆوليۋسيانى قارجىلاندىرعانىن مويىندادى، دەپ حابارلايدى «فەرعانا» ەكس-بانكيرمەن سۇحباتتاسقان Liberation  فرانسۋزدىق گازەتكە سىلتەمە جاساي وتىرىپ.

ءابىلازوۆ ءوزىنىڭ قۋعىندالۋى ساياسي سيپات الاتىنىن العا تارتتى. ساياسي قىزمەتىنە مىسال رەتىندە قىرعىزستاندا بولعان وقيعانى كەلتىردى: «2005 جىلدىڭ باسىندا مەن قىرعىزستاندا قۇلدىراۋ رەجيمىنە جاعداي جاساۋ ءۇشىن وپپوزيسيانى قارجىلاندىردىم. بۇل پوستكەڭەستىك رەسپۋبليكالاردا دەموكراتيالىق پروسەسس باستالىپ، قازاقستانعا ۇلگى بولا الاتىن دۇرىس رەفورما جۇرگىزە الۋى ءۇشىن ماڭىزدى ەدى».

پروكۋراتۋرانىڭ مالىمەتىنشە، ءابلازوۆ پەن ونىڭ سەرىكتەرى 7،5 ميلليارد دوللاردان استام قارجى جىمقىرعان. بتا بانكىنىڭ بۇرىنعى باسشىسى 2013 جىلدىڭ جازىندا فرانسيانىڭ وڭتۇستىگىندە قولعا ءتۇسىپ، تەمىر تورعا وتىرعىزىلعان بولاتىن. ونى قازاقستاندا، ۋكراينادا، رەسەيدە ۇلكەن ماسشتابتا ۇرلىق جاسادى دەگەن ايىپ تاعىلىپ وتىر. ءابىلازوۆ بولسا كىنانى مويىنداماستان تاعىلعان ايىپتان ساياسي استار ىزدەدى.