31 ارنادا تۇساۋكەسەر! 14 جەلتوقساننان باستاپ 21.00-دە ايگىلى «كۋحنيا» تەلەحيكاياسىنىڭ كوپتەن كۇتكەن سپين-وفف نۇسقاسىن كورە الاسىزدار. دەگەنمەن، «وتەل ەلەون» «كۋحنيادان» دا اۋقىمدى. ءبىر قۋانارلىعى، «فلاگماندىق» جوبادا «كۋحنياداعى» كورەرمەننىڭ سۇيكىمىن وياتقان ەرەكشەلىكتەر ساقتالعان. مۇندا جان جادىراتار ءازىل، ديناميكا، مىنەزدى كەيىپكەرلەر، كومەديالىق تۋىندىنى ەكشن-عا، اۆانتيۋراعا، دەتەكتيۆكە اينالدىرعان بىرەگەي حيكايالار بار.   

كورەرمەندەردىڭ ەندىگى نازارى مەيرامحانانىڭ ىشىندەگى ومىرگە ەمەس، وتەلدىڭ جاسىرىن، بۇركەمەلى جاعىنداعى ومىرگە اۋادى. 

…ۆيكتور بارينوۆ زەينەتكە كەتتى، ال ەلەونورا اندرەيەۆنا ءوزىنىڭ ارمانىنداعى ەر ازاماتتى جولىقتىردى – «كۋحنيانىڭ» التىنشى ماۋسىمى وسىلاي اياقتالعان بولاتىن. ءبىراق ءومىر ونىمەن توقتاعان جوق. ميحايل دجەكوۆيچ ءالى كۇنگە «ەلەونداعى» تارتىپكە جاۋاپ بەرەدى، ال Victor مەيرامحاناسىنىڭ باس اسپازى ەتىپ سەنيا تاعايىندالعان. ءومىر ءوز ارناسىمەن اعىپ جاتقان، كەنەتتەن وتەلدىڭ باستىعى بولىپ بۇرىنعى قوجايىننىڭ نەمەرە ءىنىسى پاۆەل دەگەن جۇگەرمەك كەلەدى. پاۆەل اپكەسىنىڭ قاتاڭ تالاپتارىن ورىنداۋ ءۇشىن بريۋسسەلدەن سوفيا تولستوي ەسىمدى سۋپەر مەنەدجەردى شاقىرتادى. جاڭا باسقارۋشى كەلگەن بەتتەن ءوز ەرەجەلەرىن ەنگىزەدى. سودان باستاپ «ەلەوننىڭ» عانا ەمەس، بۇكىل كەيىپكەرلەردىڭ بۇرىنعى تىپ-تىنىش قالىپتى ءومىرى كوزدەن بۇلبۇلداي ۇشىپ، جوسپارلارى كۇل تالقان بولىپ، تۇبەگەيلى وزگەرىسكە ۇشىرايدى. 

«زاماناۋي تۋىندى، ديناميكالىق سيۋجەت! سەنارييى تاماشا، اكتەرلەرى شەبەر، ءبارى نانىمدى، ۇيلەسىمدى. بۇل حيكايادان عاجاپ ءلاززات الدىم، شەگىم تۇيىلگەنشە كۇلدىم. ساۋندترەكتەرىن ايتساڭىزشى!»، - دەپ، ءانشى يۋليا ناچالوۆا تەلەحيكايا جايىندا ءوز پىكىرىن ءبىلدىردى.

 «بىرىنشىدەن، ماعان سۋرەتى ۇنادى: تۇستەرى قانىق، بەينەلى، ءستيلدى، ءبىر سوزبەن، كەرەمەت. ءىرى پلانداعى بەينەلەرگە، كادرلارعا كوز الماي قاراي بەرگىڭ كەلەدى! كاستينگ تالعاممەن وتكەن: ادەمى اكتەرلەر، جاڭا بەينەلەر، سونىمەن بىرگە تانىمال كومەديالىق ارتيستەر. بارىنەن بۇرىن، سيۋجەتى قانداي تاماشا! كۇلكىگە قارىق قىلادى. كۇيەۋىمىز ەكەۋمىز ىشەگىمىز تۇيىلگەنشە كۇلدىك، كومەديا ءۇشىن ەڭ باستىسى، وسى ەمەس پە؟»، - دەپ ءانشى اۆرورا رەسەيدەگى تۇساۋكەسەردەن كەيىن ءوز ويىن ايتتى.   

«مەن العاش رەت ءبىزدىڭ وتەلدى كورگەن كەزدە، اۋزىمدى اشىپ تۇرىپ قالدىم، - دەيدى «وتەل ەلەون» تەلەحيكاياسىنىڭ اكتريساسى ولگا كۋزمينا. – ارينە، كەڭ اۋقىمدى دۇنيە كورەمىن دەپ ۇمىتتەنگەنمىن، ءبىراق مۇنشالىقتى عالامات بولادى دەپ ويلامادىم.  مەنى ونىڭ زاۋلىمدىگى تاڭعالدىردى: ءبارى قىمبات كورىنەدى، جارق-جۇرق ەتكەن بۇيىمدار، كادىمگى شىن وتەلدەن اينىمايدى. ءوزىمدى ءبىر تاڭعاجايىپ ەلگە ساياحاتقا كەلگەندەي سەزىندىم».

«جاڭا حيكايا بۇرىنعىدان دا كۇلكىلى بولىپ شىعىپتى، سەنارييدى وقىعان سايىن ەسىنەن اۋىسقان ادامداي شيقىلداپ كۇلە بەردىم»، - دەيدى تەلەحيكايا اكتريساسى ديانا پوجارسكايا (داشا).

ءتۇسىرىلىم قارساڭىندا وتەلدىڭ بۇرىنعى دەكوراسيالارى قايتا قالپىنا كەلتىرىلىپ، جاڭا تەلەحيكاياعا يكەمدەلگەن. اسحانانىڭ كولەمى كىشىرەيىپ، ونىڭ ورنىنا سپا-سالون، باسسەين، پرەزيدەنتتىك «ليۋكس» جانە كىر جۋاتىن بولمە قوسىلعان. شابىت شاقىرۋ ءۇشىن فيلم جاساۋشىلار كادىمگى قوناقۇيلەردى زەرتتەپ، وتەل بولمەلەرى قالاي جاسالاتىنىن ءبىلىپ قايتقان. ايتپاقشى، «ەلەون» وتەلىنىڭ ەڭ باستى قىزىعى – قىزمەتشى ايەلدەر. ولاردىڭ اراسىندا شىنىمەن قوناق ۇيدە قىزمەتشى بولىپ جۇمىس ىستەيتىن نازىك جاندىلار بار. نەگىزىندە، قىزمەتشى ايەلدەر «كۋحنيانىڭ» كەزىندە دە بولعان، ءبىراق جاڭا جوبا ءۇشىن ولاردىڭ جۇمىس فورمالارىنا وزگەرىس ەنىپ، كوز تارتار دەكولتە مەن قىناما بەل كويلەكتەر پايدا بولعان. شىندىعىندا، «وتەل ەلەون» – قىزىقتى وبرازدارعا باي تۋىندى. كەيىپكەرلەر ءبىر ۋاق ۆەنەسيان كارناۆالىنا ارنالعان كوستيۋمدەر كيىپ كورسە، ەندى بىردە «تاقتار ويىنى» تەلەحيكاياسىنداعى وبرازدارعا ەنەدى.

جۇلدىزدى كەيىپكەرلەر، كىر جۋاتىن بولمەدەگى ىنتىقتىق جانە ۆەنەسيان كارناۆالى – «وتەل ەلەون» اتتى جاڭا كومەديالىق تەلەحيكايادا!  

14 جەلتوقساننان باستاپ 21.00-دە 31 ارنادا!