28 قاراشا، اتىراۋداعى 2 سوتتا سوت پروسەستەرى اياقتالعان ماكس بوقايەۆ پەن تالعات ايانوۆقا سوت ۇكىمى وقىلدى. سۋديا گۇلنار داۋلەشوۆا ولاردى «زاڭسىز ميتينگتەر ۇيىمداستىردى»، «جالعان اقپاراتتار تاراتتى»، «ۇلتارازدىق تۋدىردى» دەپ ايىپتاپ، 5 جىلعا سوتتادى.

2 جەلتوقساندا باس پروكۋراتۋرا «بەيبىت جيىندار مەن ميتينگ ۇيىمداستىرعانى، ۇلتارالىق ارازدىقتى قوزدىرعانى جانە جالعان لاڭكەستىك ءۇشىن سوتتالعاندار راقىمشىلىققا ىلىكپەيدى» دەپ مالىمدەمە جاساپ، جۇرت راقىمشىلىققا ىلىنەدى دەپ كۇتكەن تالعات ايان مەن ماكس باقايەۆقا راقىمشىلىقتىڭ جوق ەكەنىن ايتىپ ازاماتتىق قوعامنىڭ ءۇمىتىن كەستى.

بۇگىن، تريبۋنا گازەتىنىڭ باس رەداكتورى جانبولات ماماي باس بولىپ، قازاق جەرى ءۇشىن كۇرەسكەن تالعات ايان مەن ماكس بوقايەۆقا ««حالىق باتىرى» قوعامدىق سىيلىعى بەرىلدى. ونى تابىستاۋعا حالىق جازۋشىسى قابدەش ءجۇمادىلوۆ پەن قۇقىق قورعاۋشى ەۆگەنيي جوۆتيس قاتىستى.

«تالعات پەن ماكستان اسقان باتىر جوق. مەنىڭشە ولار حالىق باتىرى اتاعىنا لايىقتى. ابدەن لايىقتى» دەپ باستادى جانبولات ماماي وتىرىستى. وتىرىسقا اتىراۋدان ارنايى ۇشىپ كەلگەن، تالعات اياننىڭ اناسى ۇلداي اينازاروۆا، قۇقىق قورعاۋشى  اسەل نۇرعازييەۆا، سونداي-اق ماكس بوقايەۆتىڭ قارىنداسى جانارگۇل بوقايەۆا قاتىستى.

جيىندا ءسوز العان قابدەش ءجۇمادىلوۆ: «باتىر تۋا باتىر بولمايدى. ۋاقىتتىڭ ءوزى سەنى باتىر قىلادى. كىم باتىر بولام دەپ ويلادى دەيسىڭ، قازىرگى قوعام ءبىزدى باتىر بولۋعا شاقىرىپ ءجۇر. قازاقتى جويىپ جىبەرۋ ءۇشىن توبەسىنەن بومبا تاستاۋدىڭ كەرەگى جوق. ءتورت بەس جىپكە تيىسسە بوللعانى. ول قازاقتىڭ جەرى، ءتىلى، ءدىنى سياقتىلار. ولاردى قيىپ جىبەرسەڭ بولعانى.    باتىر جىگىتتەر ماكس پەن تالعات جايدان جاي كۇرەسكە شىقپادى. ولار وسىعان قارسى شىقتى. جايدان جاي حالىقتىڭ اراسىنا شىعىپ ۇران كوتەرمەدى. اتادان قالعان قاسيەتتى جەر، سودان ايىرىلساق بىتكەنىمىز. ويلاعانىنا، سونى ىسكە اسىرعانىنا رازىمىن. باتىر دەگەن وسىنداي-اق بولادى. كەرەك كەزىندە شىققان ازاماتتاردى ءبىز باتىر دەپ تانۋىمىز كەرەك»، - دەي كەلە ماكس بوقاەتۆڭ قارىنداسىنا بوقايەۆقا بەرىلگەن حالىق باتىرى سىيلىعىن تابىستادى. سونداي-اق،  «ماكس بوقايەۆ پەن تالعات اياندا تۇرمەدە وقيدى عوي» دەپ «قىلكوپىر» كىتابىن سىيلادى. «بىزگە باتىرلار كەرەك. قورقاقتار ونسىز دا جەتەدى. ءوز ەلىن قورعايتىن باتىرلار كوبەيە ەرسىن!» دەپ ءسوزىن اياقتادى.

سونداي-اق، بوقايەۆتىڭ اناسى تەلەفونمەن ريزاشىلىعىن ءبىلدىردى. «بۇل اتاق باعا جەتپەس سىيلىق دەپ ەسەپتەيمىن. جالعىز ءجۇرىپ جول تاپقانشا كوپپەن بىرگە جول تاپ دەگەن. شىرىلداپ ءبىر بىرىمىزگە قولداۋ كورسەتىپ جۇرگەندەرىڭىز ءۇشىن العىس بىلدىرەمىن» دەدى تەلەفوندا.  

ال، قۇقىق قورعاۋشى ەۆگەنيي جوۆتيس تيەسىلى «حالىق باتىرى» سىيلىعىن تالعات اياننىڭ اناسىنا تابىستادى.

جيىندا ءسوز العان اناسى «بالام تۇرمەدە جاتسا دا قينالىپ جۇرگەن كەزىمىزدە قولتىعىمىزدان دەمەگەندەرىڭىز ءۇشىن راقمەت ايتامىن! قابدەش ءجۇمادىلوۆ پەن ەۆگەنمي جوۆتيسكە العىس بىلدىرەمىن!» دەي كەلە، جوعارى بيلىككە قاراتا بىلاي دەدى:

«سوتتىڭ باسىنان اياعىنا دەيىن قاتىستىم. ارينە زاڭگەر ەمەسپىن. قاراپايىم ءمۇعالىمىمىن. سوتتىڭ دا ءتۇر-nءۇرى بولادى. سوتقا تاڭعالدىم. سوت بولعان كەزدە ادامنىڭ تاعدىرى شەشىلىپ جاتىر-اۋ، اقتالىپ شىعار دەگەن ۇمىتپەن ءجۇردىم. ءبىراق، الدىمىزعا تولەشوۆتى الىپ كەلمەدى. كۋالاردى - تەپسە تەمىر ۇزەتىن جىگىتتەردى نەگە الىپ كەلمەدى؟ «مەن اقشا الماعانىمدى دالەلدەپ شىعامىن» دەپ ەدى تالعاتىم. قيبرايەۆتى نەگە اتىراۋعا الىپ كەلمەدى. وكپەم قارا قازانداي. جاسى الپىسقا كەلگەن مەن دە سامولەتپەن ۇشىپ كەلىپ تۇرمىن عوي. تۇرمەدە وتىرعانداردىڭ قانداي كەلىسىمگە كەلىپ جاتقانىن ءبىز قايدان بىلەمىز. تولەشوۆ ءوزى سوتتالسا دا بالاسى بوساپ شىقتى. باس پروكۋراتۋرادا وتىرعان اسان جولداس، تىڭداڭىزشى، ءسىزدىڭ پروكۋراتۋرانىڭ الدىنا كەلىپ انالار نەگە ءوزىن-وزىن ورتەيدى؟ نەگە انالاردى تىڭدامايسىز، مەن دە بارىپ ءوزىمدى ورتەيىن بە؟ نەگە حالىقتىڭ تاعدىرى مەن ادامنىڭ تاعدىرىمەن وينايسىز. ءادىل ادام دەپ ەستيمىز. ءادىل بولساڭىز، ايتىڭىزشى. 240 كۋا بار ءسىزدىڭ بالاڭىزعا قارسى داۋىس بەرگەن دەپ ەدى. سولاردىڭ 10-ى سوتقا كەلىپ سەگىزى مويىندامادى. ال، قالعان كۋا قايدا؟ ولار تەرگەۋشىنىڭ وزدەرىنە ينسترۋكسيا بەرگەنىن ايتتى» دەپ تاۋسىلدى تالعاتتىڭ اناسى ۇلداي اينازروۆا.

ماكس بوقايەۆ پەن تالعات اياندى ماراپاتتاۋ ءراسىمى 17 جەلتوقساندا ءوتۋى كەرەك ەدى. قوعامدىق بەلسەندى جانبولات ماماي مەن ينگا يمانباي 5 جەلتوقساندا  "Facebook" الەۋمەتتىك جەلىسىندە ماراپاتتاۋ ءراسىمى الماتى قالاسىنداعى "استانا" قوناق ۇيىندە، ساعات 14.00-دە وتەتىندىگىن حابارلاعان. الايدا، جەلتوقساننىڭ 7-دە "استانا" قوناق ءۇيىنىڭ ۋاكىلى  كەلىسىم-شارتتى بۇزىپ، اقشانى قايتارىپ الۋدى سۇراعان. شارانى ۇيىمداستىرۋشىلار الماتى قالاسىنىڭ كوپتەگەن جەرلەرىنە حابارلاسقانىن ايتادى. الايدا، بىردە-بىرەۋى كەلىسپەگەن. "زاڭسىز ميتينگى ۇيىمداستىردى" دەپ ايىپتالىپ  5 جىلعا سوتتالعان ماكس بوقايەۆ پەن تالعات ايانعا  "حالىق باتىرى" اتاعىن بەرۋدى ماقسات تۇتقان بەلسەندىلەر، ماراپاتتاۋ ءراسىمىن "ادام قۇقىقتارى جونىندەگى بيۋرونىڭ" عيماراتىندا وتكىزدى.

جانبولات مايماي، بۇگىنگى ماراپاتتاۋ راسىمىمەن ءبىر ۋاقىتتا ءوتىپ جاتقان جازۋشىلار وداعىندا جەلتوقسانشىلاردىڭ كىتابىنىڭ تۇساۋكەرىنىڭ ۇيىمداستىرىلۋىن  ادەيى جاسالعان ارەكەتكە بالاپ وتىر.    

  بۇگىنگى جيىنعا 50 شاقتى ادام كەلدى. ونىڭ ىشىندە قوعام بەلسەندىلەرى، قۇقىققورعاۋشىلار مەن قاراپايىم ازاماتتار قاتىستى.