سوڭعى كۇندەرى ەلىمىزدىڭ ءبىرقاتار ازاماتتارى 2016 جىلدىڭ قورىتىندىسى بويىنشا، اتقارعان جۇمىستارى مەن ەڭبەكتەرىنە وراي مەدالدارمەن ماراپاتتاپ جاتىر. وسىعان بايلانىستى حالىق اراسىندا «ناگرادتالدى» دەگەن ءسوزدىڭ توڭىرەگىندە ءبىراز داۋ-دامايلار كوتەرىلگەن بولاتىن.  بۇل ماسەلەگە ءتىل ماماندارى ارالاسىپ، ءوز پىكىرلەرىن ايتتى دەپ حابارلايدى tengrinews.kz

«سوۆەت ۇكىمەتى كەزىندە «ناگرادا» ءسوزى وسى كۇيىندە قولدانىلاتىن. تاۋەلسىزدىك العالى بۇل ءسوز «ماراپات» دەپ اۋدارىلعان. سونان سوڭ ونىڭ «ماراپاتتاۋ» «ماراپاتتالدى»  دەگەن ەتىستىك تۇلعالارى پايدا بولدى. 2002 جىلى شىققان قازاقشا-ورىسشا سوزدىكتە «ناگرادا»-«ماراپات»، «ناگراديت»-«ماراپاتتاۋ» دەپ اۋدارىلىپ بەرىلگەن.  2014 جىلى باسىلىپ شىققان 30 تومدىق تەرمين سوزدىگىندە دە ءدال وسىلاي بەرىلگەن. جالپى «ناگرادا» جانە «ماراپات»، «ناگرادتاۋ» جانە «ماراپاتتاۋ» سوزدەرىن قازاق تىلىندە قاتار قولدانۋ ۇيرەنشىكتى جاعداي، وندا تۇرعان ەشتەڭە دە جوق. سوۆەت ۇكىمەتى كەزىندە «ناگرادتاۋ» دەپ قولدانعان ءسوز قازىرگى تاڭدا «ماراپاتتاۋ» دەپ ايتىلادى»، - دەپ ءتىل مامانى جانتاس جاقىپوۆ ءوز تۇجىرىمىن جاسادى.

ونىڭ سوزدەرىنە ەۇۋ-دىڭ ءمۇعالىمى، ءتىل ،ىلىمىنىڭ دوكتورى سەرىك نەگيموۆ تە قوسىلادى. 

«ناگرادتالدى ءسوزىنى قازاق تىلىندە بۇرىننان قولدانىلادى، ول ەشقانداي دا گرامماتيكالىق قاتەلىك ەمەس. «ناگرادتالدى» ءسوزىن «ناگراجداەتسيا» دەپ تە اۋدارادى. قۇجاتتاردى «ناگرادتالدى»، «ماراپاتتالدى» سوزدەرىن قاتار قولدانۋعا بولادى»، - دەيدى.

اۋدارعان: نازەركە لابيحان