تاياۋدا وڭتۇستىك قازاقستان وبلىسىندا ەل تاۋەلسىزدىگىنىڭ 25 جىلدىعىنا ارنالعان «بار مەيىرىمىمىز - بالالارعا!» قايىرىمدىلىق شاراسى وتكەنى بەلگىلى.
يگىلىكتى ىسكە قاتىسقان وبلىس اكىمى جانسەيىت تۇيمەبايەۆ وڭىرىمىزدەگى ۇزدىك وقۋ وزاتى اتانعان 10 دارىندى وقۋشىعا جانە ەرەكشە ءبىلىم بەرۋدى قاجەت ەتەتىن، جەتىم جانە اتا-اناسىنىڭ قامقورلىعىنسىز قالعان، از قامتاماسىز ەتىلگەن جانە كوپبالالى وتباسىدان شىققان 240 بالاعا مەملەكەت باسشىسىنىڭ اتىنان سىي-سياپات تارتۋ ەتكەنى ەسىمىزدە.
مەرەكەلىك دۋماندا بارشا وقۋشىلاردىڭ اتىنان ءوڭىر باسشىسىنا العىسىن بىلدىرگەن مەكتەپ وقۋشىسى بەكجان بازاربەك بارشا جۇرتشىلىقتى تاۋەلسىزدىكتىڭ تورقالى تويىمەن قۇتتىقتاپ، وسىناۋ جەتىستىكتەرگە جەتۋدە كوش باستاپ، ەلدى بيىك بەلەستەرگە جەتەلەپ كەلە جاتقان ەلباسى – نۇرسۇلتان ءابىش ۇلى نازاربايەۆقا ارناعان ولەڭىن وقىدى.
قايىرىمدىلىق شارادا ەرەكشە مانەرىمەن كوزگە تۇسكەن بەكجان عالىمجانۇلىن ارنايى ىزدەپ، تاپتىق. شىمكەنتتەگى «باتىربەك وتەپ اتىنداعى «ونەر» مامانداندىرىلعان مەكتەپ-ينتەرناتىنىڭ 9 سىنىپ وقۋشىسى وتىرار اۋدانىنىڭ تۋماسى بولىپ تابىلادى. بولاشاعىنان ۇلكەن ءۇمىت كۇتتىرەر جاس تالانت بولاشاقتا ەل جايىن قوزعايتىن جۋرناليست بولعىسى كەلەدى ەكەن.
جازبا جانە سۋىرىپ سالما جاس اقىن بەكجان بازاربەكتىڭ مەملەكەت باسشىسىنا ارناعان جۇرەك تولعانىسىن وزدەرىڭىزگە ۇسىنۋدى ءجون كوردىك.
