ينتەرنەت جەلىسىندە #russiansdidit (مۇنى ورىستار ىستەگەن) حەشتەگى حالىق اراسىندا كەڭىنەن قولدانىلىپ جاتىر. امەريكالىق جەلى قولدانۋشىلارى وزدەرىنىڭ باسىنا تۇسكەن ناۋبەتتىڭ بارلىعىنا رەسەيلىكتەردى كىنالاۋعا ارنالعان بۇل ىسكە بەلسەنە ارالاسىپ وتىر. مۇنى ويلاستىرىپ وتىرعان امەريكا بيلىگى دەپ حابارلايدى kp.ru، مالىمەتتىڭ قازاقشا نۇسقاسىن قامشى پورتالى وقىرمان نازارىنا ۇسىنادى.

كىشكەنتاي بالاعا ءبىرقاتار ماسەلەلەردى قالاي تۇسىندىرۋگە بولادى؟ مىسالىن، سايلاۋدا نەگە دونالد ترامپ جەڭىسكە جەتتى؟ ۇلى بريتانيا نەگە ەس-تەن شىعىپ كەتتى؟ نەگە ىستىق سۋ اقپايدى؟ وسى سىندى كوپتەگەن مالەلەلىك سۇراقتارعا قالاي جاۋاپ بەرۋگە بولادى؟ امەريكالىقتار مۇنىڭ شەشىمىن تاپتى: «بارلىعىن دا ىستەپ وتىرعان رەسەيلىكتەر».

#russiansdidit حەشتەگى facebook پەن twitter جەلىسىندە كەڭىنەن تارالىپ، ءار ءتۇرلى سۋرەتتەرمەن جازىلىپ شىعىپ جاتىر.

سونىمەن قاتار وزدەرىنىڭ جەڭىلىستەرىنە تەك حيلاري كلينتوندى كىنالايتىن  رەسەيلىك حاكەرلەر توڭىرەگىندە دە وسى سىندى بىرنەشە شىمشىما ازىلدەر ءجۇر. «مەنىڭ كانىم جوق، وفيسەر. رەسەيلىك حاكەرلەر مەنىڭ جىلدامدىق كورسەتكىشىمدى بۇزعان».

ەكسپەرتتەردىڭ ويى:

• سوڭعى جىلدارى باتىستاعى اقپارات سوعىسى ءمانسىز-ماعىناسىز تۇرعىدا ءورشىپ كەلەدى، - دەيدى امەريكاندىق ساياساتكەر سەرگەي سۆۋداكوۆ. – وتىرىك اقپاراتتار لەگى باتىستىق  باق-تا ۇيرەنىشىكتى جاعداي بولىپ قالدى. ءتىپتى، باتىستىق مەديا-حولدينگتەر اراسىندا رەسەيلىكتەردىڭ ۇرلىعى مەن قاناۋ ارەكەتتەرىنە قاتىستى كىم كوپ ايىپتاۋلار جاسايدى دەگەن جارىس ۇيىمداستىرىلعان سەكىلدى. بارلىق ايىپتاۋلاردىڭ ارتىندا ءىرى كاسىپكەرلەردىڭ تۇرعانى ايدان انىق. بۇگىنگى تاڭدا رەسەيلىكتەرگە كلينتوننىڭ ءولىمى مەن تيتانيك كەمەسىنىڭ باتۋىنا سەبەپكەر بولعان دەگەندەي ايىپتاۋلار عالامتوردا كەڭىنەن تارالىپ جاتىر. اقپاراتتىق سوعىستار ءتۇرلى ازىلدەر مەن ايىپتاۋلاردىڭ ارقاسىندا داميتىنىن ەستە ساقتاعانىمىز دۇرىس.

اۋدارعان: نازەركە لابيحان