بيىل تاۋلەسىزدىگىمىزدىڭ شيرەك عاسىرى. وسىعان وراي ەلباسى نۇرسۇلتان نازاربايەۆتىڭ جارلىعىمەن ەلىمىزدىڭ قوعام قايراتكەرلەرى مەن مادەنيەت قايرەتكەرلەرى، ونەر ادامدارى مەن ءتۇرلى سالادا جاقسى ناتيجە كورسەتكەن ازاماتتارعا ارنايى مەرەكەلىك مەدالدار بەرىلدى. ماراپاتتالعان تۇلعالاردىڭ قاتارىندا ەلوردالىق ءبىرقاتار ءدىن قايراتكەرلەرى دە بار دەپ حابارلايدى sunna.kz
پرەزيدەنتىمىزدىڭ 29 قاراشاداعى جارلىعى بويىنشا، قمدب-نىڭ نايب ءمۇفتيى، "نۇر استانا" ورتالىق مەشىتىنىڭ باس يمامى وتپەنوۆ ناۋرىزباي تاعان ۇلى "قۇرمەت" وردەنىنىمەن، "قازاقستان رەسپۋبليكاسى تاۋەلسىزدىگىنىڭ 25 جىلدىعى" مەرەكەلىك مەدالىمەن ماراپاتتالسا، قمدب-نىڭ اپپارات جەتەكشىسى ماجييەۆ عىلىمبەك جادىگەرۇلىنا "ەرەن ەڭبەگى ءۇشىن" ارناۋلى العىس حات تاپسىرىلدى. ال، قمدب-نىڭ ۋاعىز-ناسيحات ءبولىمىنىڭ باسشىسى وڭعاروۆ ەرشات اعىباي ۇلى "قازاقستان رەسپۋبليكاسى تاۋەلسىزدىگىنىڭ 25 جىلدىعى" مەرەكەلىك مەدالىمەن ماراپاتتالدى.
سونىمەن بىرگە، استانا قالاسىنداعى "ءسادۋاقاس قاجى عىلماني" مەشىتىنىڭ باس يمامى سادىرحانوۆ جۇمانازار وسەرحانۇلىنا، "ءسادۋاقاس قاجى عىلماني" مەشىتىنىڭ نايب يمامدارى مامليۋك مۋسايەۆ پەن ادىلاگيتايەۆقا پرەزيدەنت جارلىعىمەن "قازاقستان رەسپۋبليكاسى تاۋەلسىزدىگىنىڭ 25 جىلدىعى" مەرەكەلىك مەدالى تابىستالدى. "نۇر استانا" ورتالىق مەشىتىنىڭ نايب يمامى مارات بەكتازينوۆ، "ءاس-سالام" مەشىتىنىڭ باس يمامى اسحات ساليموۆكە، "ءالجان انا" مەشىتىنىڭ باس يمامى قۋانىش سابيتكە دە اتالمىش مەرەكەلىك مەدال تابىستالدى.
